7awa.

7awa. @7awa_2

عضوة نشيطة

تجربتي لماسك و غسول قلام قلو للبشرة الدهنية

العناية بالبشرة

السلام عليكم ورحمة الله وبركاتة مساء الخير
بنزل اليوم تجربتي لمنتجين من قلام قلو الماسك + الغسول وطبعًا اللي لونهم ابيض يناسبون البشرة الدهنية واللي فيها حب شباب
من اسمه SUPERCLEANSE 🔥

اولاً الغسول :
غسول قلام قلو استخدمته خلال الفترة اللي كنت اعاني فيها من حب الشباب و من بشرتي اللي تزيت اغلب الوقت قريت عنه كثثيير وعجبني فيه انه طين ينحط عالوجه مباشرة وبعد ماندلكه باصابعنا المبلوله بالمويه بيصير رغوه ويتحول لونه من الأسود للابيض تقريبًا و يستخدم مرتين يومياالنتيجة : حسيت انه ساهم بشكل كبير بتصفية وجهي من الحبوب على الأغلب السبب انه طيني و منتجات الطين بشكل عام مفيدة جدًا للبشرة الدهنية و حب الشباب و كحال أي غسول يناسب البشرة الدهنية أكيد انه يجفف الوجة لذلك يفضل بعده تترطب البشرة بمرطب خفيف مايسد المسام 👌🏼تقيمي للمنتج : 10/10مكان الشراء : اخذته من سيفورا وناسيه السعر كم كان لكن متوفر الان باماكن ثانية من ضمنها موقع نمشي بسعر ممتاز ١٥٠ ريال وهذا ارخص سعر شفته بشتريه مره ثانية ؟ إن شاء الله أكيد

ثانياً الماسك:
الماسك جميل وماعليه نتيجته حسيتها حلوة لكن مؤقتة ، يعني ينفع قبل المناسبات أو لو بشرتك حلوه وجايينك ناس تحطيه بيعطي منظر حلو للبشرة لكن ماحسيت انه معالج وممكن بسبب صغر حجمه حسيت انه مايكفي اصلاً عشان يستخدم كعلاج
عيوب المنتج:
١- حجم العلبة الصغير
٢- سعره المبالغ فيه 💸
٣- كل هذا على نتيجة مؤقتة لذلك ما اعتقد إني افكر اشتريه مره ثانية
سعره كان 300 وعليها وفيه منتجات ثانيه باقل من نص سعره علاجية وممتازة و أفضل.
انتهى الموضوع و مُرحب بأي استفسار
9
4K

يلزم عليك تسجيل الدخول أولًا لكتابة تعليق.

تسجيل دخول

¤الصبر الجميل¤
¤الصبر الجميل¤
جزيتي خيرا لطرح تجربتك🌹
أجواآآن88
أجواآآن88
مشكورة على ذكر تجربتك
ام النتفه نفنف
ام النتفه نفنف
🦋
amira al amora
amira al amora
ماشاءالله
amira al amora
amira al amora
جزاك الله خير