المقادير
كاس ماء فاتر- كوبين دقيق ابيض وكوب بر او ممكن تخلينه كوب ونص دقيق ابيض وكوب ونص بر اسمر.. ملعقه كبيره خميره فوريه...ملعقه سكر... نص ملعقه ملح. نص كوب دافي لبن المراعي... ربع كأس زيت
جبن ابيض للحشو او كيري او ابو ولد
صفار بيضه لدهن الخليه والقليل من الحبه السوداء او السمسم والعسل لرشها بعد خروجها من الفرن
الطريقه
نجيب طاسة العجين ونصب المويه الفاتره ونحط الخميره الفوريه وملعقه السكر ونخليهم شوي ثم نضيف الملح واللبن الدافي ونضيف الدقيق بعد نخله ونعجن ثم نضيف الزيت ونعجنها جيدا ونرشها بقليل من الزيت ونغطيها بكيس تخمر ولما نشوفها خمرت نقطعها دواير متساويه ونخلي الدواير يخمروا شوي تمدي الدايره وتحطي الجبنه وتكوريها وتحطيها بالصحن بعد دهنه ورشه بقليل من الدقيق
تحطي كور العجين بشكل مرتب وبعد كذه تدهنيهم بصفار البيض وترشيهم بالسمسم او الحبه السوداء وتدخليهم بفرن سبق تسخينه من تحت ثم فوق الين تحمر خرجيها ورشي العسل وتمتعي بالطعم
