ابوي تغير علي
  • «
  • 1
  • 2
  • >
  • »
بسم الله الرحمن الرحيم
السلام عليكم و رحمة الله تعالى و بركاته
بنات يا ريت تحييو البسملة و السلام
ابدخل بالسالفة ابوي يا بنات تغير هالسنة الله يطول بعمره و يعطيه الصحة و العافية و السعادة وصل مادري الستين تقريبا بس مو على بعضه
يعني السنة الاخيرة دايم ساكت و باله شارد احس بوجهه حزن ما يتكلم معي كثير نفس قبل و شكله كبر مرة باخر سنة و ينام كثير و اذا اتكلم معه يرد بكلمة كلمتين هو بيتقاعد احس مازم نفسيته مرة بس وش نسوي يعني هذا حال الكل و المفروض الانسان عارف انه بيجي يوم يتقاعد
هذا غير انه يشعر بالم فيالرقبة و اليدين طول الوقت بسبب ضغط فقرات العنق على الاعصاب ما يبغى يسوي العملية لانه فيه نسبة انها تنتهي بشلل و بنفس الوقت يقول انا ما عندي فلوس اصلا عشان اسويها و لا يقدر ياخذ حبوب المسكنة للالم لانه كثرتها تتلف الكبد و الكلى نفس ما الدكتور قال
يعني مو عارف وش يسوي بس بعيدا عن موضوع الالم احس نفسه مكسورة و ما يتفاعل معي ما يضحك نفس قبل و لا يبتسم الا مجاملة ليته ما يكبر ابد قلبي يعورني عليه و الله
حتى امي تغيرت و احيانا احسها ما تركز بكلامي بس مو نفسه كذا احسن حالا و انا و الله مالي غيرهم بالدنيا اروح اذا راحو
انا مو عارفة اتصرف كيف او يمكن عارفة بس مو قادرة
ابغى تجاربكم و نصائحكم
11-07-2018, 11:30 PM
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
كثري من الصدقه يالغاليه عن ابوك و امك
و اشتركي مع ابوك و امك في عمل الخير
و طرق الصدقه و الخير كثيره لا يشترط ان تكون دايما بالمال
11-07-2018, 11:34 PM
 
الله يطوّل بعمره
ويخلّيه لكم
يااربّ
وع فكرة التقااعد مو شي سهل
اناا
أبوي جااه السكّر يوم قررو له التقااعد وتعب
فترة والله
والحمّدلله فترة وتعدّى هالمرحلة
طبعاً
السكّر بااقي معااه
والحمدلله ع كل حال💔
11-07-2018, 11:53 PM
 
هذا حال الكبر احتمال موضوع التقاعد +مرضه الله يشفيه عامل له ازمه الرجال عكس الحريم يحبوا يشتغلوا مايحبوا الجلوس كذا بدون شغله بس مصيره بيتعود يتأقلم اما بالنسبه لمرضه حاولي انتي واخوانك واعمامك تجمعوا له المبلغ للعمليه مايصير كذا جالسين وشايفينه يتألم وساكتين اقنعوه يعملها والله حرام ترى المرض يفقد الانسان لذة الحياة وامك اكيد تغيرت لانها شايله همه الله يطول بعمر والديك ويرزقك برهم
12-07-2018, 12:11 AM
 
يمكن في موضوع يشغل بالهم انتي ماتدري عنه دام امك صارت كيذا كمان


ادعي،لهم دعاء الولد للوالدين مستجاب وادعي بالثلث الاخير تري الدعاء زي السحر نتايجه بس اهم الشي الدعاء مع الايقان بالاجابه
12-07-2018, 12:31 AM
 


الساعة الآن 11:05 AM.