الحلول المجربه مني شخصيا لتسمين الوجه والجسم

السلام عليكم بنات دايما اشوف مواضيع تطلب تسمين خدود او جسم وانا بقولقكم تجاربي اوكيه
شوفوا انا وزني تقريبا 45 وجسمي ضعيف ووجهي بعد مافي شي الا وجربته وبقولكم بالتفصيل
وعلى فكره كنت انا و2 من صديقاتي نفس الحاله ولما كنا نمشي بالكليه تقولين طقم اقلام والاحلى اننا اذا طحنا على طريقه نجربها كلنا ينقال على الحلوه والمره عشان نشجع بعض الطرق كالتالي
اولا
خلطه العنبريه لتسمين الوجه وهي خاصه للوجه وماتسمن الجسم انا استخدمتها لمده شهر ونصف والنتيجه كانت مررره بسيطه مااحد ينتبه الا الي يلزق بوجهي وصديقتي الاولى ماشاء الله من ثالث اسبوع خدودها تجنن حقدت عليها:06:خخخخخاما صديقتي الثالثه ماقدرت تستحمل طعمهاوانسحبت من المسابقه خخخخ ويوم تركتها ماصار شي لوجهي نفس ماهولكن صديقتي رجع نحف وجهها بس مو مثل اول لا يمكن بس رجع النص وسعرها85ريال وفي خلطه من نفس الشركه الظاهر لتسمين الجسم استخدمتها صديقتي وكانت نتايجها حلوه بسيوم تركتها ضعفت شوي بس مارجعت مثل ضعفها الاول
ثانيا
تمر على الريق من اول ماسمعنا الطريقه ماصدقنا انا بصراحه ماكنت اكل 7 تمرات لا يمكن 3 او 4 بالكثير وبعض الاحيان مو على الريق يعني العصر اللليل انا يمكن استخدمتها3 اسابيع الي لاحظتها انها شوي وردت خدودي اما التسمين للخد حاجه بسيطه صديقتي الاولى نفس احسن مني بشوي والثانيه نفس الشي ان خدودها توردت اكثر من التسمين
ثالثا
بطاطس نئ انا حاولت اجربهاماقدرت وصديقتي جربتها مره وحده وطبعا مابان شي اما الثانيه جربتها ووردت خدودهاوانتفخت شوي
رابعا
خاطه الخميره ومويه الحلبه بصراحه انا جربتها ولافاد شي وحتى صديقاتي واحنا اصلا ماطولنا عليها
خامسا
الحبوب الصينيه نتايجها بالبدايه تجنن تطير العقل انا ماجربتها لانها مضره اما صديقتي جربتها والله يوم خلصت علبه طلعت البنت تهبل لو عندي اخو زوجتها له انامااسمعاغاني الحمد لله بس مره وانا افر بالتلفزيون شفت اغنيه سامو زين انا ليك شفتوا البنت الي معه صديقتي والله بدون كذب طلعت نسخه منها حتى سجلت الاغنيه وكل اشوي اقصر على الصوت واتفرج عليها بالفيديو ليمن خرب لبفيديو خخخخخخخخ:11:
بس وش عيوبها ياحلوين اولا الحبوب الصينيه على ماسمعت تسبب بلاوي بالرحم
ثانيا صديقتي تخيلوا العلبه خلصت الثلاثاء اوكيه يوم جاء يوم السبت رجعت نفس ماهي بالضبط ولاحتى زادت شي بسيط يعني باربع ايام بس انفشت خدودهايعني وش الفايده رجعت الخدود ويمكن تسوي ترهل نصيحه لوجه الله ابعدوا عنها
سادسا
الابر والخرابيط فكرنا نجربها وناس قالوا محرم وناس قالوا كم شهر وتنفش زتسزيترهل قلنا نبعد عن الشر ونغنيله
سابعا
حبوب الخميره وانا الوحيده الي استخدمتها بدايه زواجي لمده شهرتقريبا لاحظت زياده بسيطه بس الاكثر لحظت ان شعري زان عن اول بشكل ملاحظ والشعرهنفسها صارت اقوى وبشرتي شوي تحسنت بس نصيحه اذا اكلتها لاتشربون مويه كثير او سوائل لاقصى مده ممكنه واذا خلاص حسيتي انك بتموتين اشربي شوي لمده تقريبا 4 ساعات ليش لاني انا يوم كنت استخدمها كنت اشرب وراها على طول كاااس مويه كبير اقول في نفسي علشان تذوب وتجيب نتايج وشرايكم بالذكااء الخاررق خخخخخ والنتيجه انها طلعتلي كرشه مبينه حتى زوجي لاحظ وقال لايكون حامل شفتوا التحطيم بي انا غبيه مادري وشلون مانتبهت للكرشه ويوم سالت قالوا علشانك كثرتي مويه وانتفخ البطن وانا كنت استخدم حبتين يمكن باليوم المركزه الي علبتها حمراء لا ومن زين الطبايع توني والده من شهرين ونص وطالعتلي كرشه تهبل بنات بليز وشلون تروح



ثامنا

المفاجاءه

اخطر شي


الوصفه المضمونه

لو كان ان شاء الله بجسمك دود بتسمنين حتى لو تركتيه ماراح ترجعين مثل اول


ويبلك يمكن بس شهر يعني يمديكم على العيد


وبدون اي اثار سلبيه

بس عيبه انه يسمن الجسم بعد بس هاذا مقدورعليه سوي رياضه اول باول



رياضه موريجيم انتبهوا لان الرجيم بيضعف الخدود اماالرياضه لا وهاذي من تجربه

الحلبه ايوه لااحد يقول ريحه احناالحين بندخل على الشتاوالريحه بتختفي خاصه مع السباحه ومافي احسن منها من كل الي جربت صدقوني وانا ان شاء الله استنا بس ندخل على الشتا وبجربهاعشان مايلاحظ زوجي خخخخ انا استخد متها شهرونص بس تستاهل الشعر خيال صار انعم البشره تحسنت خاصه ان انا وجهي اصفر شاحب الخدود تحسنوا تركتها من شهرونفس ماهي ماتغيرت قولواماشاء الله
والجسم زان والصدر بعد يعني عطتني تقاسيم حلوه لجسمي انا كنت اكلها لهووم ملعقتين 3مرات يوميا مع كوب حليب دافي ويوم تركتها يمكن اسبوع وانقطعت الرحه نهائيا


النتيجه اسمعوني ياحبيباتي كل جسم يختلف عن الثاني انتي بتجلابين شي يمكن مايفيدك يمكن يطول معك والشاهد تجلربتي انا و2 من صديقاتي عشان كذا الي تبي خدود تستخدم الطرق كلها
واذا تعيجزت او تكيسلت تركز على الحلبه هي افيد شي صدقوني وماراح يجي العيد باذن الله الا كل شي فيكم يهبل

احبكم لوجه الله

خارج عن النص

بنات انا من شهرين ونص والده وصدري بيوصل لسري :44: مترهل بشكل فظيع لا وملمسه يضيق الصدر احس انه جلد فاضي بليز ابي حل واذا في تمارين ياليت بالصور الشبكه الي بمخي تعبانه خخخخ:44: