العيد وزعل بناتي [ مُعدل ]
ياخواتي حنا عائله منطويه جدا اهلي بديره بعيده واهل زوجي اقصد سلفاتي مايحبن احد يجيهن والاخوان احيانا يجتمعون مشكلتي يا بنات بناتي ثمنيه مسكينات محكورات دايما بالبيت لان عندنا البنت جريمه تطلع حديقه او مول حتى اليوم وصل طلبهم من الموقع لان صعب جدا اقضي لهن من السوق ابوهن لما عرف انه في فستان قصير لبنتي الوسطه مارضي يجيب الطلب وهالحين فاتحاتها مناحه وماشاء الله بنات عمامهم عايشات بكامل الحريه طلعات عبايات كتف كفيهات مولات وبناتي يظلن يقارنن حياتنا بحياتهم والله كرهت الحياه كلها لا انا قادره البي رغباتهن ولا قادره اقنع ابوهن يعيشن مثل غيرهن من البنات فقط حبيت افضفض ادعو لبناتي بالازواج الصالحين الله يجزاكم الف خير
13-06-2018, 03:35 AM
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ياعمري الله يكون بعونك
ولاتيأسي من زوجك كثر الدق يفك اللحام
كل ماحاولتي رح يتغير على يدك
لاتستسلمي لرغباته ابد لانها فعلاً لاتطاق
13-06-2018, 03:39 AM
 
ياعمري الله يكبّر حظهن ويسخرلهن الارض ومن عليها
حبيباتي ينرحمووون ،، الله يهدي ابوهن ويحنن قلبه عليهن
وعسى تفرحين فيهم عرايس متهنيات مبسوطات


بناتك مب بعيد عني قبل اتزوج اهلي نظام قديم حكره وصكه وعزله مستحيل سوق الا بالنادر بالسنه مره
واغلب لبسنا مانختاره اهلي يجبون لنا بمزاجهم طبعا خلقنه
ومدقومين والله ماتدلعنا ابد
بس ربي لك الحمد ماشاءالله لاقوة الا باالله تزوجنا وشفنا الخير وشفنا الدنيا
13-06-2018, 03:42 AM
 
حبيبتي انتي الله يفرجها عليهم خلي بناتك يحنون على ابوهم يطلعهم ويمشيهم ولو معزة بقلبه اكيد ماراح يرفض وبالنسبه للعنوان ياختي العيد فرحة بالقلب مو بالمظاهر والطلعات سوو لكم اجواء بالبيت وزينو بيتكم باللي تقدرون عليه واطلبوا كيك من المخابز وانبسطووا وشغلوا شيلات وارقصوا وعيدوو واقعدو بالحوش شغلوا شريخات صدقووني بتحسون بالعيد وبتنبسطوون وانتي امهم حركيهم ونشطيهم خلي ذكرياتكم باليوم هذا احلى ذكريات وطبعا لا تنسوون تصلون صلاة العيد هذي لحالها فرحتها بالدنيا كلهااا
13-06-2018, 03:47 AM
 
ياعمري الله يفرج همك وهمهم ويسخر لك زوجك ويسخر لهم ابوهم ويرزقهم الازواج الصاللحين اللي يسعدونهم ويهنونهم
13-06-2018, 03:49 AM
 


الساعة الآن 02:52 AM.