بخصوص اللي تحط عيالها عندي اغلب الوقت
السلام عليكم
تذكرون هداك الموضوع اللي قريبتي تحط عيالها عندي بحجه ان عيالها يبون يلعبون مع عيالي وقلت لكم عيالها اثنين كبار وواحد صغير سنه والكبار ٩ و ١٠ سنوات وقلتو لا تنفجرين صارحيها صارحتها والله بس انقطعت اسبوع ورجعت مثل اول واغلب الوقت الجوال مقفل عنها حتى الواتس اقفله علشان ماتجي رسايلها صارت تطق الباب 🤣🤣 مدري ابكي ولا اضحك
واقول ابي اطلع تقول عادي خوذيهم معك وانا اخذتهم السواق قال ماما ماراح اجيك مره ثانيه ازعاج ع السواق
والله وضعها افضل من وضعي بكثير عندها شغاله تساعدها انا لا شغاله وياليتني سالمه بعد
الوضع استغلال لاا اكثر
شقتي يادووب تكفي والله ماصرت اغسل الملابس منها اغسل من هنا وانشرها بالصاله ع المروحه يلعبون فيها لان ماعندي لا حوش ولا بلكونه ولا سطح
ماصارات معي خصوصيه كلمتها ان زوجي انقرف وتادي تحطهم عند الباب وتمشي وغرفه النوم صارت مزبله مافي شي عندي يقفل ينطون ع السرير ويلعبون حتى بدولاب الملابس وانا ماعندي غير الحقهم واضربهم لما اقولها تقول خلي زوجك يجيب قفل لغرفتكم والله اذ اخذتهم يبكون يبون عيالكم
الحين اتصلت عاد انا من اول اليوم مقفله جوالي من فتحته اتصلت تبي تجيبهم قلت اخذهم ابوهم وفعلا ابوهم ماخذهم قالت بالله خليه يمر ع عيالي ياخذهم بعد ذبحوني يبكون يبون عيالك قلت يطووول ما راح يرجعون بدري
وانا الحين تعلمت الكذب استغفر الله اقول زوجي والله يقول مالي شغل فيها ولا راح اخذهم واصلا ما قلت لزوجي لانه يفشلني ويبرد وجهي يقول كل يوم عندنا مالهم شغل الا حنا
اش الحل يا ناس هذي الانسانه وراي وراي اذ ما اتصلت جت للبيت وحطتهم حتي اذ ما فتحت تجلس تدق الباب ساعه
كم مره جاملت وجاملت وجاملت بس خلاص تعبت
وليت زوجي يكلمهم بالوجه علشان اطلع انا منها
كم مره اجلت اسيا ضروريه
الاجازه راحت وعيالها عندي لا قدرت اراجع لعيالي دروسهم ولا قدرت اقرا قران
والبيت من بعدهم لازم تنظيف كامل شامل لانهم حتى بدواليب الملابس يلعبون
بنات ذي وسيعه وجه ما ينفع معها التصريح ولا غيره مافي الا تهزيئه محترمه من رجال مو مني
قبل اسبوع طلعت انا وعيالي مشوار ع الاقدام وهي كالعاده متجهه الينا وشافتني بالشارع انا وعيالي قالت تعالي وين طالعين قلت مشوار قريب قالت وين جوالك ادق مقفل قالت مدري كان مع العيال وطفوه شحن وانا بشنطتي جوالي والله قالت هاتي المفتاح نبي نجي عندكم
🙁🙁🙁🙁
وفعلا بعد ما رجعت جات حضرتها
والله انااحب القرايب واحب اعزمهم بس اكون مرتبه للعزيمه ومو كل يوم مره فالاسبوع او كل اسبوعين مره
الخلاصه اني ماني ماخذه راحتي حتى بمكاني
06-08-2018, 08:48 PM
 
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
ضغطي ارتفع 😡😡
06-08-2018, 08:51 PM
 
 
كل هذا ومافاد معها انا اقولك الحل
قولي يافلانه كلمتك ب الطيب ومع ذالك ماعذرتيني عيالك لاعاد اشوفهم عندي زوجي يقول لاعاد اشوفهم وقفلي الباب بوجها
06-08-2018, 08:52 PM
 
 
ام العز❣️:
ضغطي ارتفع 😡😡
انا ارتفع الف
06-08-2018, 08:53 PM
 
 
ام العز❣️:
ضغطي ارتفع 😡😡
انا اكثرررر
صرت اكره نفسي ومن يطلعون استمتع بوقتي وبيتي محيوس
06-08-2018, 08:53 PM