بعد ماتزوجت صار يبغى ياخذ ابني

مساء الخير
لا شي جديد
نفس حالة اي مطلقة تعاني من ظلم وطغيان طليقها واهله حتى بعد ماتطلقت وحتى بعد ماتزوجت وحامل من زوجي الثاني
هذا طليقي صارله اسبوع وشوي هو واهله منجنيين يبغون الولد مني !!!!
والسبب اني تزوجت واحد ثاني قبل شهرين ونصف بعد طلاق دام خمس سنوات
مع انه كان متبري من الولد ومتخلي عنه بالاصل لازيارة ولا نفقة ولا اي شي
انا تزوجت زواجي الثاني بدون حفلة او اي شي على طول عقدنا القران ورحت معاه بيته واخذت ابني بعد اسبوعين واهل طليقي ماكان عندهم خبر بزواجي الجديد
يوم درو الشرارة بدأت من ابو طليقي اتصل على ابوي وقاله مادام بنتك تزوجت جيب الولد عندنا
ابوي قاله الحين توك تعرف انه لكم ولد وانتم متخليين عنه من سنين والله ماتاخذونه وقفل بوجهه
ومن يومها لليوم بدأت المناوشات بيننا وبينهم والحمدلله اخواني واخواتي وازواجهم كلهم واقفين معاي واخوي قالي على جثتي ماياخذ ابنك منك
حتى زوجي قالي لاتخافين ماياخذ ابنك منك وانا عندي مايثبت من رسائل انه متخلي عن الولد ومايرسله مصروف ولا يزوره وهو قالها بلسانه ان الولد هذا مايهمه ولا يبغاه وانه تزوج وصار عنده عيال غيره والرسالة موجودة
دخل واحد من الجماعة بالموضوع وراح كلمه وسفهه لطليقي ورجع قال ل ابوي الخلاصة الرجال حاقد هو وامه وواخواته عشان بنتك تزوجت بس ومايبغى الولد محبة فيه بس عشان يحرق قلب امه ويحرمه منها
شوفو الحقارة الله لايوفقه الله يعجل بهلاكه هو وكل لي معاه عاجلا غير أجل يارب
الله يحرق قلبه على عياله مثل مايحاول ياخذ ابني عشان يحرق قلبي عليه
يابنات والله العظيم من يوم تطلقنا مايدري عن الولد ولا يسأل عنه ابدا واخر مرة شافه من ثمان شهور ولا يبغاه ولا ينفق عليه وكل ماكنت ارسل الولد زيارة لبيت اهله كان يعامله بجفاء وحرمته تعامله بقسوة حتى الاكل تحرمه منه
وبعد هذا ياخذ ابني لبيتهم ويحرمني منه
والله على جثتي واتحدى المحكمة وكل شي يوقف معاه
هذا ابني لي حملت فيه وتعبت عشانه وربيته وصرفت عليه دم قلبي يوم هو تخلى عنه
كم مرة يمرض ويتعب وهو مايدري عنه وانا لي اشيله واسهر الليالي عشانه وابكي لحزنه وافرح لفرحه
وبعد كل هذا ياخذه مني لعند زوجة اب ظالمة
بنات طمنوني ابوس يدكم هل اذا رفع قضية بالمحكمة الشيخ بحكم له بالحضانة حق الولد