تجربتي في تقوية شخصيتي بعد ما كانت ضعيفة جدا

باذن الله موضوعي هذا يكون مفتاح خير للنساء
.. بدخل في الموضوع على طول
بدايتي كانت ضعيفة وكنت ملطشة للكل .. والكل يستهين فيني ويستخف فيني
طبعا انا واصلني ذا الاحساس .. باختصار محد عاملي حساب


انا كنت مرحة بس على سذاجة .. واضحك كثير .. واذا انجرحت ما ابين .. اسوي نفسي عادي وانا من جوة مقهورة


اخذوا عني الناس فكرة اني ما ازعل ولا اتضايق ولا شي ... وصاروا ياخذوا راحتهم معايا


اتزوجت طبعا ... دخلت على عايلة جديدة مايعرفوا عني شي مثل اقاربنا وصديقاتي


فكرت اغير من شخصيتي وكان زواجي اكبر فرصة انتقل من مجتمع الى مجتمع جديد اقدر ابني لنفسي شخصية


طبعا عيني كانت تتبقبق هنا وهناك من ذوات الشخصيات القوية وكنت اتعلم منهم كيف يردوا اذا احد احرجهم ... وكيف طريقة كلامهم وشخصياتهم وجلستهم وحوارهم


لين عرفت وين الخلل ... الخلل مو في شخصيتي المرحة !! الخلل في اندماج مرحي مع السذاجة واالا مبالاة ... لاني اشوف شخصيات مرحة بس بنفس الوقت لهم هيبتهم وحوارهم


هنا كانت بدايتي !!
اول شي عملته قللت مرحي لين اعمل توازن في
شخصيتي ... يعني تركت الصحك الكثير والمجاغة ...
ثانيا اذا احد استخف فيني او استقل فيني ما اسكت .. اتعلمت اقول كلمتين بسيطة لين اتجرأت بعد كذا


يعني اذا احد استخف فيني اقوله ( ما اسمحلك تقلديني او تنتقديني ) طبعا بالبداية كنت اقولها بالمزح
وكنت اتدرب عليها قبل اقابل الناس ... لين اتمكنت منها وصرت اقولها بدون مزح
شوي شوي صرت اقول كلام اكثر من كذا ..
مثلا اذا احد استخف فيني !!! اقوله يعني ايش الفايدة اللي ترجعلك من ذي الحركة ؟؟
او ايش تستفيدي لما تنتقدي ضحكتي او كلامي ؟؟


طبعا الكل صار ينخرسسس .. على فكرة ترى كثير من المجتمعات عندهم رهاب اجتماعي
يعني لو خميتيها قدام الناس !!! تروح سبعة الوان
فصاروا يتحاشوني مع انه رودي عادية بس عشان لا احرجهم قدام الناس


وكمان اتعلمت لغة العيون ... تقتل تقتل يابنات ... وهذا يناسب اللي عندهم رهاب اجتماعي او خجل من الناس


استخدمي اسلوب العيون في الرضا والزعل والانتماء والتضجر


عارفين من وين اتعلمتها !!!! اتعلمتها من المذيعة المصرية وفاء الكيلاني زوجة تيم السوري ههههههههه


لاحظوا لغة عيونها ... تحسوا عيونها لوحدها كفاية طبعا مع استرخاء في الجسد والهدوء


طبعا لغة العيون اتدربوها بالبيت مع الاطفال والشغالات وكذا ... لين تتمكني حتى لو شي بسيط تتقني .. الباقي كمليه مع الناس


وانتي داخلة تسلمي على الناس ارفعي صوتك وانتي تقولي السلام عليكم .. هذا يعطيك ثقة قوية جدا ..


اذا عجبكم الموضوع !!!!!! نكمل في الصفحات التالية
نريد تشجيع من المتابعين 🙏🏻