تعبانه من بعد الطلاق
سلام عليكم بنات ....حبيت افضفض مالي غير الله ثم المنتدى هذا المنفس لي ...بنات انا تطلقت صار لي سنه مطلقه وعندي طفل والله تعبانه حييل صار لي سنه واحس لسى قلبي مكسور ...سبحان الله قبل الزواج كنت عند اهلي مستانسه والحين احس نفسي ثقيله مو مثل قبل حتى الاهل يتغيرو مايصيرو نفس اول ....الطلاق كان من صالحي بس الحين ندمانه وربي احس بوحده وضيق نفسي اتزوج واستقر ..افكر اتواصل مع خطابه عشان اتزوج وربي تعبانه نفسي اسمع كلمه حلوه احد يهتم فيني يسال عني دايم احس بروحي ..ابي يكون عندي بيت لحالي اخذ راحتي فيه..صح الحمدلله عايشه عند اهلي بخير بس موجوعه ومكسوره الله يسعدكم ادعولي تكفوون ..... اسفه طولت بس حبيت افضفض واطلع الكبت اللي جواتي وانصح كل وحده انها ماتتسرع بالطلاق لانه يوجع حيييييييل 😭😭
16-05-2018, 04:28 AM
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يعوضك خير


كل شي من ربي خيره بس نجهلها
طلاقك من زوجك امر ربي كتبه ومقدره
لاتندمين ع شي فات
فكري لقدام واطلبي ربي يعوضك بالافضل والاحسن ربي مايعجزه شيء


استغفري واكثري من الحوقله واطلبي الفرج من الله
اشغلي وقتك بشي يفيدك علشان الفراغ هو اللي يخليك بس تفكرين وتشغلين بالك


استغلي فرصه وجودك بين اهلك
وبري فيهم اكثر وقومي بحاجيات امك وابوك
ربي ولدك تربيه سليمه واستغلي فتره فراغك في ان ولدك ينشا نشاه صالحه
علشان بكره اذا ربي رزقك زوج وانشغلتي بحياتك الجديده تكونين منتي حاسه بالذنب تجاه ابنك


عطيه كل الحق الان دامك متفرغه عطيه كل الحب والاهتمام اشبعي ولدك قبل لاتنشغلين عنه




والله يرزقك الزوج الصالح يارب العالمين
16-05-2018, 04:55 AM
 
بنت يااارب متى اتزوج
زوج نذل ياااارب متى اتطلق او اترمل وارتاح
مطلقه متى اتزوج ثاني مره وارتاح


الخلل في الانثى نفسها مو الحاله الاجتماعيه
مافي مخ يفكر ولايطور من نفسه
اكتشفت بعض الحريم ماتدري وش تبي من الحياه لان ماعندها طموح ولاهدف


الزواج مو حل انتي طوري من نفسك بدراسه او وظيفه لو راتب قليل اطلعي من البيت واشغلي نفسك
او افتحي مشروع انستغرام طبخ واشغلي نفسك
اذا الله كاتب تتزوجين راح تتزوجين
مو كاتب لك الزواج ماراح تتزوجين
اشغلي نفسك واسعدي نفسك بنفسك
16-05-2018, 05:11 AM
 
الله يفرج همك حبيبتي ويكتبلك الخير ويشرح صدرك ويبدل حزنك فرح .. ماضي راح باللي فيه لا تضيعين عمرك الغالي فحزن على شي فات ومات ناظري قدام اسعدي نفسك وولدك لا يشوفك مهمومه حزينه علميه يصير سعيد ولا تندمين على قرار صح اتخذتيه
16-05-2018, 06:28 AM
 
الله يعوضك بزووج صالح ويسعدك في حياتك الحاليه والقادمه لاتتحسسين كثير ولاتفكري كثيررر لاترهقي نفسك دام الطلاق كان من صالحك قولي الحمدلله واشغلي وقتك بأي شي مفيد
16-05-2018, 06:43 AM
 


الساعة الآن 07:09 PM.