تكفون ساعدوووووني تعبت والله تعبت
  • «
  • 1
  • 2
  • >
  • »
السلام عليكم ورحمة الله وبركاتة ،


أخواتي تكفون أبي حل لنفسي أنا مره تعبت ،


تخيلوا أي شي فيني أي ألم بأي مكان يجيني شي يقولي أنتي بتموتين ، اطلع للسوق أطالع السوق والناس
يجيني شي يقول ودعي الناس بتموتين ، تعبت تعبت وبداخلي أحساسي إن هالشي ماراح يصير ، بس كذا
أذى في راسي ، أقرا الأذكار وأمسح على نفسي بالمعوذات بس ماني عارفه وش أسوي تعبني هالأحساس
نفسيتي تعبانة جداً ودي أنفجر من البكي ، أحس كل شي ماله طعم موقاعده أحس بنفسي وبحالي دايم سرحانه
وأهوجس بهالشي احس الدنيا غير صايرة بعيني أحس إني قاعده داخل حلقة لحالي ، أنا عندي ألام بالقولون العصبي
والمعدة وقاعده أتعالج عنهم وكان قبل يجيني خفقان بالقلب واتعب واروح المستشفى يعطوني مسكنات واقوم وتخطيط كل شي كويس
بعدين أكتشفوا ان هذي من المعده والقولون العصبي ، والحين اخذ علاجاتي واراجع مع دكتور ,
هل تتوقعون هذا الشي مربوط بحالتي ، والله ماصرت اقعد لحالي اخاف ، ولاني عارفه وش السواة مع هالأحساس حتى خالتي
مره قعدت معاي وقالت لي لاتخافين اللي بيموت مايصير له كذا هذا وسواس تجنبيه ، صرت ألهي نفسي بالرياضه وبالعمل وأن جا الطاري
براسي تعوذت من إبليس بس الفكرة تخليني اخاف مررررره ويعورني بطني وحالتي حاله ,, تكفون وشو اسوي حتى ماني طايقة نفسي أو
أسوي شي تخيلوا اسولف اقول بسوي مشروع يجيني براسي كيف وانتي بتموتين ..! والله بنجن عطوني الحل اروح دكتور نفسي ولا وشو ..؟
05-08-2018, 09:07 AM
 
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
حللي فيتامين د يمكن منه
لاني مريت بحالة مشابهه وطلع نقص فيتامين د
05-08-2018, 09:18 AM
 
 
أرستقراطية:
حللي فيتامين د يمكن منه
لاني مريت بحالة مشابهه وطلع نقص فيتامين د
معقولة يكون نقص فيتامين يسبب هذا كله, بروح احلل واشوف ان شاءلله
05-08-2018, 10:41 AM
 
 
N O O R Y:
معقولة يكون نقص فيتامين يسبب هذا كله, بروح احلل واشوف ان شاءلله
وممكن مرض الهلع عندك بس اتمنى لااا
06-08-2018, 06:03 AM
 
 
تطمني ياعسل باذن الله مافيك الا العافية أنا مررررريت بهالحالة وترجع لي بين فترة وفترة وأشدددد منك


ولقيت كثيررررر يعانون منها


طبعا القولون له دور وجرثومة المعدة ونقص الفيتامينات خاصة الزنك والنحاس والحديد
هذا من الناحية العضوية




اما دينيا فقوي علاقتك بالله واحسني الظن وتوكلي على الله وحافظي على وردك والأذكار وكل ماجاك هالوسواس اذكري الله وتوضئي مباااااشرة






والله لي أكثر من 15 سنة وهالحالة تجيني والحمدلله صرت خبرة والى الآن تجي آخرها قبل الفجر شيء جاني الله لايوريه مسلم
الحمدلله الله يكتب الأجر ويغفر لنا بذنوبنا ويعفو الله عن كثيرررررر
07-08-2018, 02:11 AM