تمارين جيليان مايكلز وغيرها ....انصدمت بالنتائج'تجربتي'/ قديم

السلام عليكم ورحمة الله 
كيفكم احلى صبايا بأحلى منتدى 
حبيت اطرح تجربتي بالتمارين الرياضية لحتى الكل يستفيد
مع العلم اني بإذن الله رح ابقى ع تواصل بإخباركم بما يحصل معي
من نتائج خلال شهر واكثر بإذن الله
اول شي بدي احكيلكم عن التمرينات اللي جربتها ونتائجها
وتاني شي المدة الزمنية لكل تمرين 
طبعا جربت اكتر من نوع من التمارين اشي عذبني ع الفاضي
واشي احلى منه ما شفت
اول تمرين نط الحبل ...طبعا تعذيب للرجلين بالنسبة الي وما لقيت فايدة
تاني تمرين المشي السريع .... اكثر من رائع كنت امشي لمدة ساعة مسافة 4 كم ونتيجته حلوة 
اتغير مقاس خصري خلال اسبوعين وكنت امشي 3 مرات بالاسبوع 
تالت تمرين الخمسه ميل ... اتعذبت فيه شهر ونتيجته بطيئه جدا بترتيب الجسم
رابع تمرين السكوات ... من اقوى انواع التمارين العالمية وكان في تحدي شهر كامل بالنت
عملته واشهد انه عملي تغير بحياتي وهو يبين بالأرداف وينحتها بس اللي وزنها عالي لا تعمله 
لأنه بأثر ع الركب كثير 
خامس تمرين "30 day shred"يعني ثلاثين يوم نحت ل جيليان مايكلز....هون بدها وقفة صمت 
ونفس طويل وأقول انه اكثر من رووووووووووووووووووووووووووووووووووووعه 
هههههههههه ..... يا جماعة انصدمت فيه بس 4 ايام وشفت اللي عمري ما شفته 
اتغير جسمي من اول اربع ايام اشي خيال خيال ...طبعا انشد الجسم والصدر والكرش خف كثيير 
حتى وجهي انشد وصار اجمل والحمدلله
سادس تمرين الدرج ... المدة كانت 12 يوم والصراحة انه راحت الكرشة اللي تحت بتكون مترهله
ومدة التمرين 10 دقائق
بدأت من فترة اعمل تمارين النحت 5 ايام ويومين للدرج ...جد شي رائع
وزني 80 لأنه من فترة خسرت وزن بس رجع بسبب ظروف
وهلأ حابة اطبق معهم ريجيم النقاط ويا رب تجيب نتيجة 
صبايا بتمنى تستفيدوا من تجربتي ..ويا ريت كمان اللي جربت شي من الرياضة ونفعت معها
تكتبلنا تجربتها خلي الكل يستفيد 
وربي يرزقكم ما تتمنون