زوجي يحب شوربة مطعم الرومنسيه \ سؤال وتم التعديل الاشرااااف
السلام عليكم ورحمة الله وبركاته

كيفكم يااخوات
وكيف استعدادكم للشهر الكريم الله يبلغنا صيامه وقيامه


يااخوات من يعرف مطعم الرومانسيه سراحه عندهم شوربه لذيذه وزوجي يموت فيها
والليله قالي من الحين اقولك في رمضان الشوربه مابيها عاديه
ابيك تحكرين لي زي حقت الرومانسيه



هي الواضح انهم يطبخو الشوفان ومعاه الدجاج وكمان معكرونه
وبقدونس

هذا اللي قدرت اطلعه من طعمها من تفيدني في مقادديرها وطريقتها
ربي يسعدها اللي ترد علي ويحقق لها اللي تتمناه
08-07-2013, 03:29 AM
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
نفس زوجي يموووت عليها من اول زواجي ذوقني اياها عشان اسويها له وﻻ عرفت
08-07-2013, 03:43 AM
 
ياعسل يقدر زوجك يطلب الوصفه من الشيف الي سواها ف المطعم
08-07-2013, 03:49 AM
 
شوفي ياحلوه حطي الماء على النار وضيفي له لحم او دجاج الي تحبين واذا طبخت شيلي الريم الي يطلع بعدين

ضيفي البهارات الحب (الفلفل الاسود وكزبره ناشفه وكمون وشيبه وليمون اسود وقرفه وهيل وعويدي)

وخليها تغلي 4 دقايق ثم ضيف الطماط المطحون مع ثوم وشوي صلصه وخليها تطبخ 10 دقائق ثم ضيفي الشوفان

وشوربه ماجي بالشعيريه والملح وخليها تغلي لين توصل لثقل الي تبين بعدين طفي النار وضيفي يابقدونس او كزبره

خضرا وحركيها وبالعافيه. تقدرين ياحلوه تخلطين الشوفان بالخلاط مع شوية ماء بعد تضيفينه على الحم.

اذا حبيتي كشني لها بصل بدال السلق بس السلق احسن واطعم واصحى ,طبعا اذا تبينها حاره زي الرومنسيه ضيف

فلفل احمر او اسود مطحون وضيف قرون فلفل اخضر.

ادعيلي بهداية زوجي وعيالي وسعة الرزق والتوفيق وامي بالرحمه والجنه.
08-07-2013, 04:07 AM
 
لذيذه جدا شوربتهم واضح يحطون ماجي وبهارات كثيير
08-07-2013, 05:05 AM
 


الساعة الآن 12:20 AM.