قلبي حزين وعقلي رزين 😔 لا تبخلون علي بالنصيحه
السلام عليكم


اول شي اشكر روحي وحياتي صاحبة المعرف 💋❤️


اختكم يا جميلات العطله الصيفيه اللي قضت في الايام هذي كنت احب ادخل سناب العام واروح ادور في الخريطه على مكه احب الحرم واهله 😭😭


كنت اكبشر واضيف حسابات الناس اللي ينشرون للحرم
كنت اضيف الكل طبعاً ومااكلم في الخاص الا على الخفيف


واللي يزودها اعطيه بلوك


اللي صار ي بنات 😕 مدري شلون صار
اللي صار واحد بعث لي على الخاص يوم ضفته وبدا يتعرف علي طبعا انا سالته مثل م كنت اسال اللي قبله انت مقيم في الحرم او زياره ، اذا هي زياره كنت احذفه بعد
هذا امه طلبت منه يوديها عمره طبعا هو من الشرقيه وانا بلد ثاني
ماحذفته شفت سناباته وكتاباته وتصويره للحرم ماشاالله عجبني مو تصوير ويلا


مالكم بالطويله احاول اختصررر قدمافيني


اللي صار ان صار بينا كلام بس مازال على الخفيف مني ومنه هو طلع عمره بالثلاثين مو متزوج لاسباب قالها لي بعدين


انا ي بنات انجذبت له بشكل مو طبيعي اقسم بالله للحظه هذي اقول هو فارس احلامي هو توأمي ❤️


كل شي كنت اتمناه في فارس احلامي لقيته فيه


مثقف جدا ووسيم
يحب الخيل ودايما كان يبعث لي سنابات من المزرعه
ثقيل مره لدرجة نتكلم باليوم مره ومرات يعدي يومين مانتكلم
بار في امه وداها عمره وبعد ٤٠ يوم توفت الله يرحمها ويجمعنا فيها


اخلاقه مو مثل باقي الشباب عطيته رقمي ولا نشره بالرغم كنا نبتعد احيانا والبعد دايما مني
ويوم ارجع له يعاتبني وانا غصب عني


تسالوني ليه ابتعد عنه اقسم بالله ي بنات اول واحد في حياتي اتعرف عليه بالطريقه هذي يعني مو بالحلال لاني قد تملكت قبله ولا كنت احس بالاحساس الغريب اللي احسه معاه
كنت ابتعد لان ضميري وقلبي كان يوجعني ليه سلكت الطريق هذي في صراع بين عقلي وقلبي واحد يقولي اقلطي والثاني يقلي ارجعي


كان يقول انا اتمنى فتاة احلامي ويقول تفاصيلها كأنه قاعد يوصفني


يمكن البعض يقول بالثلاثين وللحين ماتزوج هو يتعب كثير وكان يصورلي سنابات وهو بالستشفى بالمغذي يسوون له فحوصات ومايلقو عنده شي
لما يسمع الرقيه يتاثر ويتعب اكثر. قلت له عن علاج الفاتحه وشرب مويتها قال التعب يخف عنه مررره ذاك اليوم انا كنت اذكره كل يوم واحيان ينسى والفترات اللي ابتعد عنه وارجع اقوله هاا مستمر على الرقيه يقول كنتي تذكريني


قعدنا ٦ اشهر ولا واحد ابدى للثاني اعجابه الا بعد نص سنه يوم غبت كثير ورجعت اعترف وهذا لنا ٦ اشهر بس من يوم دخل رمضان اعتذرت قلت له مابي ادخل تويتر ويمكن ماادخله للابد. بس عشان ضميري يرتاح


رقمي معاه وانزل حالات بالاسبوعين مره يشوفهم ولا يعلق ولا نتكلم وتس مدري يمكن من الله هذا الشي مدري دايماً اقول كل شي خيره ، سنابي حذفته وعطلته للابد عشان ارتاح بعد


اليوم بعد كل هذا لا زلت اراقبه من بعيد على تويتر قلبي يتقطع ابي اكلمه ومرات شي يقلي لا ، بالاخص اني اخر يوم لما اعتذرت له كان تعبان مره وكل يومين بالمستشفى ولا عرفوا وش اللي فيه ، ابى ابعث له او اتطمن عليه الي اكون معه لين يتشافى ويتعافى ابى ماافترق عنه بس بالحلال


وفي نفس الوقت صبري مرات ينفذ بقول خلص بكلمه واللي يصير يصير


احبه مره ولا يوم قلتها ولا كتبتها له 💔💔😭 لكن اتمنى من الله جامع الغيم بالسما يجمعني به قريب


انا وربي اللي خطبوني مو عشره ولا عشرين اكثر وتملكت اكثر من مره لكن ماادري احيان اقول يمكن ربي كتبلي هذا
وفي نفس الوقت اقول ربي مايكتبلك الحرام اصبري لين الله يجمعك فيه


انا صارحته سبب بعدي عنه وقالي انا وانا بعمرك كنت مثلك لكن الحين ربي يتوب علينا كل بني ادم خطاء برغم اني مااوافقه بالراي بالنقطه هذي اقوله ليه نقترب من الحرام دام كذا نبتعد ويوم نذنب بالغصب نتوب مو نذنب بدون صبر
الحلال يبي له صبر صح وربي يرزقنا الصبر


اشياء كثير عديت عنها لكن المهم اني وضحت لكم الامور الاساسيه


اسفه اني اخذت من وقتكم والله يغفر لي ولكم


ابى من قلوبكم الطاهره دعوات تيسير امورنا ومن اناملكم الجميله غيثاً مريئاً من الكلمات اللي استنير بها واشد بها ازري


الشكر لقلبي واختي صاحبة المعرف اللي مافي ابن يوم يعلم بقصتي شخصيا الا هي


عسى ربي يغفر لنا جميعا ويشفي كل مريض ويجمع كد اثنين بالحلال


اتابع ردودكم واذا فيه شي يقتضي الرد بعثت لصديقتي وهي تنسخ ردي 💕💕💕


سبحانك اللهم وبحمدك اشهد ان لا اله الا انت استغفرك واتوب اليك
12-07-2018, 01:59 PM
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
Up
12-07-2018, 02:11 PM
 
انتِ قلتيهاا
اتمنى من الله جامع الغيم
في السمااء
يجمعكم..


إتركي الطريق اللّي إنتِ
ماشيه فيه
وخلّي الرجّال في حااله ي حلوه☺️


واطلبي
من الله يجعله من نصيبك
اذا كنتم
خير لبعضكم
في الدنياا والأخره..
محد راح يجيبه لك
الاّ الله
من غير حولٍ منك ولاقوة
وحطّي براسك
الله لو أراد يجمع قلبين
راح يجمعهم
لو بينهماا مداد السموات والأرض❤️

الشي اللّي قااعده تسوينه غلط
كبير مرّه
ونهاايته تعيسة جداً
كيف تطلبين من الله
يستجيب دعوتك
وانتِ تكلمين الغريب لايضحك عليك ابليسك
واللّي تحسّين فيه كلّها أوهاام
ابليس زينّهاا لك
12-07-2018, 02:14 PM
 
مدري شقوولج
بس الله يرزقج بالزواج الصالح الي يسعدج وتسعدينه وتكتمل سعادتكم اكثر بالذريات الصالحه الباره ياارب
12-07-2018, 02:18 PM
 
لو حاسس ربع اللي حسيتيه تجاهه
كان جاء من الباب ودقه
لكن عاجبه الشباك والتعرف الحرام
ويبغى يكمل فيه والله أعلم
اسأليه ترضاها على اختك
واكيد الجواب كل البنات تعرفه
لأ
لان اخته غالية
بس يرضاها عليكي
12-07-2018, 02:27 PM
 


الساعة الآن 01:40 AM.