محشي البذنجان ومحشي ورق العنب
السلام عليكم ورحمه الله وبركاته
كيفكم حلوين مبارح عملت بذنجان محشي ورق عنب ادخل بلوصفه عطول
المقادير محشي البذنجان انا عملت حشوه كميه كبيره لحتى أفرزها وقت الحاجه لاكن رح اذكر يلكم لمقدار صغير
كيلو بذنجان صغير للحشي أرز مصري نصف كيلو
كوب كزبره مفرومه وكوب بقدونس مفروم وكوب بقدونس مفروم ونصف كوب شبت مفروم بصلتين مفرومين ناعم ثوم نصف كوب زيت ذره او زيت زيتون حسب رغبتك
ملعقه كبيره من الدبس اي العسل الاسود اذا لم يوجد عسل نحل لا يوجد ملعقه سكر الغايه ان نعادل الأسيد الموجود في البندوره
ملعقه كبيره نعنع ناشف
اربع حبات بندوره مقشره ومضروبه بلخلاط
فلفل اسود كمون قرن فلفل اخضر مفروم بس ما كن عندي استبدلته بشطه مجروشه ملح نصف ملعقه كزبره ناشفه
الطريقه
نحفر البذنجان ونغسله وعطول بنحشي وهون في نقطه مهمه كتير بشكوا ان البذنجان بجلد معهم عطبيخ
السبب
اما بتكوني حفرتي البذنجان وغسلتيه وعطول حطتيه بثلاجه لتاني يوم
او حشيتي البذنجان وخلتيه في الثلاجه لتاني يوم طبختيه في هذه الحاله الملح والبندوره بعملوا عتجليد البذنجان عند طبيخه
الحل اذا حبتي تحفري البذنجان وتحطيه بثلاجه لتاني يوم لا تغسيله بعد الحفر يعني احفريه وحطيه بكيس الخاص بتفريز وتحطيه بثلاجه وقت ما بدك تحشيه بتغسليه وعطول
بتحشيه وبتطبخيه
ولو حصل ونسيتي وحفرتيه وغسلتيه وحطيته بثلاجه بتشوحيهم بشويه زيت قبل الحشي
نكمل الطريقه
انقعي الأرز
على الغاز نضع الزيت والبصل حتى يتحمر في هذه الاثناء
نضرب البندوره بلخلاط مع الثوم وننزل فيهم فوق البصل المتحمر كل ما شفتي رغوه للبندوره ازليها لانها عباره عن أسيد هي من تعمل الحموضة
ونتركها تتسبك على نار هاديه التسبيك يعني ان يطفو الزيت على سطح البندوره نضع ملعق الدبس
الان نطفئ الغاز ونضع الكزبره الشبت البقدونس
الان نغسل الارز ونصفيه ونضيف عليه البهارات المذكوره والنعنع الناشف ثم الصلصه ونتركها حتى تبرد
واحشي البذنجان ونضعه في طنجره رح احط فوقه ورق العنب
الخلطه هذه هي نفسها يلي بتستخدم في حشو الملفوف والكوسا البطاطا الفلفل الحلو الرومي
ورق العنب رح اعمله بلحمه في ناس بتعمله بدون لحمه يلنجي مع الخضره كمان طيب
انا استخدمت ورق عنب كنت لقطته عن الشجر في موسمه وبعدها غسلته كويس بماء وفير ونشفته وصفته وفرزته لما اجيت اطبخه نزلته من الفريزر وتركته يفك وغطسته تغطيس فقط بلماء المغلي حتى احافظ على نكهته والحموضه تبعته لاني ما رح احط بلحشوه دبس رمان كون الورق للعنب اسود وليس اخضر
الحشوه
استخدمت لحمه مدهنه من قطعيه البرايم ريب prime rib لو عندك لحمه خروف مع ليه بكون تمام فرمتها خشن بلعاده بفرمها على ايدي اطيب
فلفل اسمر مجروش
ارز مصري مغسول ومنقوع
شطه مجروشه
ملعقه كبيره رب البندوره
ملح
ملعقه نعنع ناشف مطحون
حشيت ورق العنب ولفيته وصفته فوق البذنجان لو طبختيه لوحده ممكن تحطي تحته شرائح بطاطا وبندوره ولحم
نضيف الماء انا وضعت لتر وفوقه رجعت رشيت شويه نعنع يابس وحطيت عليه صحن
على نار عاليه في البدايه ثم نهدي النار لحتى ينضج
اتركم من الصور
الصور للأسف مو راضيه تنزل حاولت كتير رح احاول انزلها في الردود
24-01-2018, 08:06 PM
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
في شي غلط كل ما احاول انزل الصور بطلع لي شريط لونه مشمشي مكتوب عليه true والصور ما بتنزل
24-01-2018, 08:09 PM
 
يعطيكي العافية حبيبتي وتسلم يديكي
24-01-2018, 08:19 PM
 
اقتباس مشاركة  (ندى احلى الايام)
يعطيكي العافية حبيبتي وتسلم يديكي
وايدكي يا عمري شكرا لمرورك جزاكي كل خير
24-01-2018, 08:22 PM
 
ربي يسعدك و يجزاك خير


وصفة رائعة 👍🏻
24-01-2018, 08:41 PM
 


الساعة الآن 08:49 PM.