مصدومه من أمي 💔
تخيلو يابنات اكتشفت ان أمي ظالمه
ومعتديه وقلبها اسوووود
للاسف ماكنت اظنها كذا لكن انا بقولكم كيف أمي كانت توهمني انا واخواني انها عايشه دور المظلومه والمعذبه
في مشاكل معها ومع عمتها وأحيانا مع جدي وخوالي
وصح هما غلطو وامي عاشت بضروف صعبه وقاسية وامي مريضه نفسيا وفوق ذَا سحر
المهم سنوات طويله أمي كل يوم تشتكي لنا انا واخواني لين خلاص قاطعنا أقاربها وكرهناهم وكل يوم تكرهنا فيهم اكثر ومن المستحيل أمي اشوف اغلاطها وتعتذر مستحيل
يعني حقوده بشكل لاإله الا الله تتذكر حاجات قديمه وتجلس تبكي وتلعن وتدعي عليهم وانا خلاص فاض صبري الى متى بتجلس كذا
ليش ماتسامح
اليها تفتح صفحه جديده
للاسف كل يوم يزيد سواد قلبها وانا كل ليله ادعي لها بالهداية
تخيلو مهما يعطونها هدايا مهما يرجعون يراضونها ويعطونها وجه ماتسامح وتعتدي عليهم يعني فجأة. بالجلسة يسولفون تعتدي أمي بالكلام وتمد لسانها !!!! وإذا رجعو عليها يخاصمون تسوي سالفه تقول انا مظلومه
انا اكتشفت انها معتديه وإذا صار شي في بيتها يعني مثلا سلك التلفزيون انفك تروح عندهم وتخاصمهم تقول انتو الي فكيتوه !!!
والمصيبه انها متأكده مئه بالمئه تقول هم
وأي شي يصير اي شي يضيع منها تقول هم
!!!!!!
ابي أنقذ اميً
ماابي اكتفي بالدعاء
عندها حبوب مستمرة عليها وصح تهديها وتخفف عنها بس الحبوب مارح تشيل الحقد مارح تغير أخلاقها وقلبها !!!!!
وعندها قريب راقي كل مايجي يرقيها احيانا يحصلها تعبانه وأحيانا عادي مافيها شي
وامي ملتزمه بكل شي تقريبا
الا اللسان والظنون والقلب !!!!! هذه اخاف تؤديها النار الله يرحمنا
كيف اتصرف حاولت انصح ونعلمها بس ماتقبل بالعكس تزعل منا وتقول تقفون معاهم بوجهي
انا خلاص ضاقت حياتي والله خلاص أيست منها انها تتغير وحتى ماعد دعيت لها استغفرالله
مدري حسّيت بيأس تخيلو هي على هذا الحال طوال عمرها ولاتغيرت 💔💔 يعني ربي او يبي يهديها ببعديها بدون دعواتنا
آه يارب سامحني لكن خلاص مليت والله مليت
كل ماتجي اميً وتشتكي عندنا وتقلب الجو اكتئاب وسوداويه تخيلو يابنات مل يوم انا خلاص جاني اكتئاب بسببها وأخاف أصير زيها خلاص صرت اسمع لها وانا على جوالي او اشاهد التلفزيون واسوي إشارات او اقول الله يعين وماعليك ربي بيحاسبهم
وتجلس تدن وتدن على راسي شوي وأصير مجنونه انا وش ذنبي طيب
يعني احنا يوم كنّا صغار ليش تخلينا نسمع الكلام هذا وتربينا على الكره والحقد
بنات وش اسوي والله أفكر انتحر
16-04-2018, 01:30 PM
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مستحيل ذَا يكون بسبب المرض لان في ناس مرضى وأحس بس قلوبهم بيضا وعسل مستحيل يعتدون او يشكون في احد وطيبون يعني المرض ماله دخل خلاص اميً تشافت الحمدالله عندها حبوب وعندها قران وأذكار
16-04-2018, 01:32 PM
 
وإذا تبون اقولكم عن المشاكل وش هي الي تصير بينها وبين أقاربها
مشاكل تافهه وماهي كبيره
على أتفه شي كبرو شياطينهم
على قهوه مثلا على أغراض على طلعات واشياء تدور حول. البيت
يعني هم ماضربوها مااعتدو عليها اعتداء كبير وحتى ماقد غصبوها على الزواج وعندها ضمان وحافز ماشاء الله
اميً مدري ليش شايفه حياتها سوداء
حاولت افهمها ان في ناس اخي بس سعيدين يحمدون الله بس هيا عين تفهم 💔💔💔💔
صراحه شي يحزن جدا اشوف اميً مذا
ابي تتغير ياناس
هل في أمل
16-04-2018, 01:35 PM
 
اجلسي معها و خبريها نفس الكلام اللي قلتيه هنا


و الزمي دعاء الله يسلل سخيمة قلبها
16-04-2018, 01:44 PM
 
وهي تطلقت في حياتها ٤ مرات وكلهم ماقدرو يتحملون اميً من اسلوبها وأكثر واحد فيهم صبر عليها هو أبوي صبر ١٠ سنوات
والضحيه انا وأختي واخواني
ماشفنا أمومه زي الباقين ولاعشنا قريبين منها الا يوم كبرنا وياليت عوضتنا في كبرنا بشوي حنان اقسم بالله ودي أني مت وإني صغيره ولاشفت سواد الدنيا ذي وإني مت على برائتي وبياض قلبي
صرت استغرب اذا شفت ام حنونه وتدلع بناتها أتمنى انها اميً وإني مكانهم وأقول ياحظهم أنتم مالكم حق تشتكون من شي في الدنيا أنتم عندكم أحسن نعمه بس ماقدرتوها
للاسف انا عايشه بمكان كلهم مع امهاتهم وسعيدين بس انا من بينهم حالتي شاذه ويناظروني بشفقه ويجلسون يسألوني من صغري الى الحين باقي يسألون !!!
عموما انا مو مهتمه بنفسي الحين اهم شي اميً
انا خلاص كبرت الحمدالله وبعيش باقي حياتي بس اميً كيف أنقذها ابيها تشوف السعاده ابي عقلها وطريقة تفكيرها تتغير للإيجابية وقلبها يتغير
معقوله بتموت بحزنها وحقدها ؟؟؟؟
وعمرها الحين ٤٠ بس تخيلو
16-04-2018, 01:47 PM
 


الساعة الآن 11:31 AM.