موقف حصل قدامي
مسائكم خير وسعاده
بمااني فاضيه واتقهوى بقلكم موقف هل صادفتو مثله صادفني امس بمكان عام
المهم ي بنات امس كنا بمكان جلسات خارجيه والمكان دا مشرف عليه شخص اجنبي واختار لنا جلسه وجلسنا ودقيقه والا تقوم المعركه
رجال جاء وبغى يغير الجلسه ورفض العامل وجا يسب ويسب ويلعن ويطعن والهندي يقول كدا يقول كفيل مو انا ويسبو الله يسوي بك وعلى ****انت وكفيل طبعا الكلمه وسخه مااقدر اكتبها وكلاام بذيء كلو بصوت عالي كل دا نسمعو لانو بجنبنا وكم راح العامل وجلس ياولد انخمد يامدري ايش يكلم اطفاال عندو عافانا الله
انا توترت وانا مايقرب لي قلت كيف باللي عايشين معو زوجته واطفاله كيف متحملينه بصراحه اللي زوجها كدا يبغالها تأدبه وتعلمه الادب قبل يتفرعن ع اطفاله والناس الأجانب وتمنيت لو يجي الكفيل يكفخه عشن يتوب يتفرعن ع المسكين اللي بس ينفذ شغله
ايش رايكم بالناس اللي كدا وقد شفتو مواقف زي كدا
16-04-2018, 05:58 PM
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
لاماقد شفت الحمدلله وجعلني ما اشوف


احس اللي كذا انسان ضعيف ومهزوز من جوا ويبي يبين للناس انه قوي وعنده شخصيه


والدليل انه رفع صوته وسب انسان مسكين قايم بشغله وبس
16-04-2018, 06:02 PM
 
اعوذبالله
بعض الناس لسانه متبرئ منه
16-04-2018, 06:07 PM
 
يوم سمعتي كلامه ليه ما جبتي الكوب صكيته بالجبهة وريحتي العالم منو 😅
16-04-2018, 06:12 PM
 
اقتباس مشاركة  (ام خــــــالد)
لاماقد شفت الحمدلله وجعلني ما اشوف


احس اللي كذا انسان ضعيف ومهزوز من جوا ويبي يبين للناس انه قوي وعنده شخصيه


والدليل انه رفع صوته وسب انسان مسكين قايم بشغله وبس
ممكن فعلا الله يهدي الجميع
بالنسبه لي عمري مااشوف اللي يرفع صوتو ويزعق قوي بالعكس اشوفو ضعيف
16-04-2018, 06:16 PM
 


الساعة الآن 07:12 PM.