هل افطم ولدي او استنى لـ سنتين ؟؟

مراحب ..

عندي ولد عمره سنه و3 شهور ارضعه طبيعي +صناعي ..
كنت ناويه افطمه عن صدري بعمر 6 شهور ...بس تعلقت فيه واجلت الفطام لـ سنه ...بعد ماكمل السنه تعلقت اكثر فيه وحبيت انه صار يعرف صدري ويجي يدور ع صدري ...
لكن شهر بعد شهر تعلق فيني كثيييير لدرجة انه مايترك لي فرصه لما انام ع ظهري ع طول يجي يبغى صدري ..
وطول النهار يبغى صدري مكشوف يروح يلعب ويرجع يرضع بعدين يتركني يلعب وهكذا ...

تعود ع عاده كريهه حرمتني النوم ...لما يصحى بالليل جوعان ارضعه صناعي وبعد مايخلص سواء شبع او لا لازم يختم بصدري ...يعني مااستفدت من الرضاعه الصناعيه ....لانه يبغى يمص الحلمه طوووووووول نومه وكلما حاولت اتركه يصيييييح ...وانا عذااب طول الليل ...ابقى اغير وضعية نومي ابغى اتقلب ...اخذ غفوه وانتبه ع الم الحلمه ..
صدري الان بحجم قبضة يد ولدي ...احس انه مرره ناشف بس اذا عصرت الحلمه يطلع حليب بس مو زي اللي كان يصير معي قبل شهور اذا غبت عنه وتاخرت مارضعته يمتلي واحس زي اللسعه بصدري دليل انه مليان ..الان انا مااحس كذا ابدا ...

غير وزني اللي ينزل بالتدريج ...عند الولاده كان 65 والان 49 ..طولي =165
امي تقولي خلاص افطميه صدرك الان زي المصاصه مافيه حليب ...
واللي زاد المشكله اني ماعودت ولدي ع المصاصه عشان اعوضه عن صدري ..

انا ابغى افطمه ...وماابغى بنفس الوقت ..
حابه تعلقه فيني وخايفه اذا فطمته مايجي لصدري عشان اضمه ...مع اني احيانا بعد مااغيب عنه او اذا سوى حركه حلوه او ضحكني ع طول اعطيه صدري من حبي له حتى لوكان شبعان ..

حاولت انظم الرضاعه واعطيه صدري بس بالليل ماقدرت ...خاصة انه احيانا يبكي او يضربه شي ...خلال النهار ..وارحمه واطلع له صدري عشان يسكت ...

ماادري انا مررره محتاره وخايفه اندم ...هل افطمه عشان مايتعبني اكثر ...وعشان صحتي ونومي ووووو....
او احتسب الاجر واستنى حتى لو نحفت اكثر ...وحتى لو كان صدري الان زي المصاصه ..
والسؤال الاهم ..
هل تندمون بعد الفطام ؟؟ وهل يبعدون اطفالكم عنكم ...كون الشي اللي كان يربطكم فيهم انتهى خلاص ؟؟؟

نسيت اذكر ان ولدي صحته الحمدلله كويسه ..كذلك الاسنان والمشي ..تمام..


تجاربكم يااخوات ...بانتظار نصايحكم ...:26:


اللي ماعندها فكره نهائي ترفع الموضوع لو سمحتوا ...