ندى ... @nd_77

عضوة نشيطة

هل زوجي طبيعي ؟؟

مرحبا اخواتي عندي مشكله مأزمتني نفسيا
تغيير زوجي 180 درجه هل هو طبيعي والا لا
راح اقولكم كيف كان وكيف صار
قبل كان يطلع ويروح و يجلس معنا وينام معنا ويضحك ويسولف وحياتنا ماشيه صدق انه لسانه بذيء ودايما ينافخ علي وعلى أطفاله بس برضو ادمي وله صوته
وبداء حبه حبه ينعزل عنا تماما طول الوقت جالس لوحده وعلى تلفونه ولايطلع ولايروح لأي مكان حتى مايجلس ولايسولف معي لو 5 دقايق والله العظيم وبدون مبالغه احيانا يوقف عند باب الغرفه يشوف وضعي مع أطفالي دقيقه ولف وطلع والا يسال وين كذا ؟؟ والا ابي كذا ومشى وانا ماكملت كلامي
وسألته ليش ماعاد تجلس معنا وكان رده ماعندك سوالف بس طلبات ووش ابي أقابل وجهك وصوت عيالك وإزعاجهم يضايقني حتى أذا نامو وصار الجو هادي مايجي ولاحتى يمر علي
مدري وش فيه احيانا اقول جاته عين قبل كانو أهله واخوانه دايم يسألونه ليش ماتطلع ليش ماتروح بس مقابل هالمره
حتى اذا عزموه يتعذر ولا يروح
وأحيانا اقول مسحور ومصروف عني وعن عياله والله العظيم وصلت لدرجة ذي اقول حتى وقت الأكل مايطالعنا ولايكلمنا عيونه فالتلفزيون والا بجواله
واذا في السياره يشغل السي دي عشان مااحد يتكلم
وبالنسبه للسحر عندي شغاله اشك فيها وخايفه انها مسويه له عمل والا شي
وش الحل وش ممكن اسوي انا بحيره ماابي اكمل حياتي معه بالطريقة هذي ملل وضيقة صدر بشكل لايوصف ودايما مكتئبه من ذَا الموضوع
اناقشه مره ثانيه عن هالتغير والا لا هو راضي وعاجبه الوضع بس انا مليت

يلزم عليك تسجيل الدخول أولًا لكتابة تعليق.

تسجيل دخول

يسسرى • 4 سنوات

شكك في الشغالة ممكن يكون في غير محله.
زوجك من النوع الي يستخدم مواقع التواصل الاجتماعي؟ و مواقع الشات؟ إذا نعم فربي يهديه آمين.

ليس مهما • 4 سنوات

نفس رد اللي فوق ترى مرت ع زوجي فتره كذا واكتشفت انه يعيش قصه حب مع وحده متزوجه بناتها اكير منها وادبتهم الاثنين 😂😂😂😂 ع العموم اذا طلع زوجك يعيش قصه حب امسكي دليل وبعدين واجهي الله يرحم ضعفها شغالتكم

ندى ... • 4 سنوات

يسسرى :

شكك في الشغالة ممكن يكون في غير محله. زوجك من النوع الي يستخدم مواقع التواصل الاجتماعي؟ و مواقع الشات؟ إذا نعم فربي يهديه آمين.

شكك في الشغالة ممكن يكون في غير محله. زوجك من النوع الي يستخدم مواقع التواصل الاجتماعي؟ و مواقع...

ايوه يستخدمها ومن اللي مايستخدمها اللحين
وخاصة الشات توه يعرف له وهو اللي ماخذ وقته
اعرف نكه واقراء اللي يكتبه كلام عادي وبحدود هذا فالعام بس فالخاص الله العالم

ذهب الشمال • 4 سنوات

واجهية مرة واثنين وثلاثه ولو يروح مكان خليك عنده قاعده قولي ارتاح اذا جلست عندك حاولي تسحبينه وترجعينه لطبيعته

ندى ... • 4 سنوات

ذهب الشمال :

واجهية مرة واثنين وثلاثه ولو يروح مكان خليك عنده قاعده قولي ارتاح اذا جلست عندك حاولي تسحبينه وترجعينه لطبيعته

واجهية مرة واثنين وثلاثه ولو يروح مكان خليك عنده قاعده قولي ارتاح اذا جلست عندك حاولي تسحبينه...

لا ماابي اقط وجهي عليه
صرت انشغل باي شي واحاول اتسلى وانشغل عنه لعل وعسى يحس بس بدون فايده