رشرش الامورة :

إذا إنتي بجدة عندي رقم شيخ جدا ممتاز على ضمانتي انا . هو بعد الله كان سبب شفاء زوجي

إذا إنتي بجدة عندي رقم شيخ جدا ممتاز على ضمانتي انا . هو بعد الله كان سبب شفاء زوجي

أرق المعاني :

والي سأل عن طريقتي عيالي كنت اشغلهم رقية العين والحسد والتنزيل والاخراج للشيخ عبدالله الخليفة ورقية الامراض النفسية خاصة لو الطفل المريض العارض يخليه يعصب وكدا وكنت احممهم بالسدر وحاليا رقية الامراض العضوية وسورة البقرة الاتنين دول اقراهم في موية زمزم وعسل عالريق دايما وادهنهم بالزيت قبل النوم مقري فيه رقية الامراض العضوية وسورة البقرة ويوميا بعد ما ينامو اقرأ عليهم سورة البقرة وانفث عليهم في البداية كنت استثقل اني اقرأها يوميا دحين لا الحمدلله واجيب موية عادية والملح الخشن واذوب الملح في الموية واقرأ فيها الرقية العامة للشيخ عبدالله الخليفة وارشها في العتبات والزوايا مع تبخير البيت والحرص على نظافته ورش موية مقري فيها وفيها مسك اسود سائل في الزوايا بس يبقع والبقعة ما تروح طريقة التحصين بالموية والملح والمسك والبخور كانت تخليهم ماشاءالله ينامو مرتاحين عكس بقية الايام يتحركو كتير ويتقلبو باين من الاحلام والكوابيس وتشغيل قرآن وقت النوم او الرقية بالتكرار انا اشغل التلفزيون على قناة اسمها النور سورة البقرة تتكرر 3مرات وكل وحدة تبدأ علاج تكون متوقعة انه غالبا الطفل راح يتعب انا عيالي في البداية استفراغ الله يعزكم وبلغم ورغاوي بيضا بشكل مستمر واحيانا حكة شديدة جدا لدرجة يصحى يقعد يبكي ولدي بعد ما راحت عنه الحكة دحين رجعت بس اخف لما يمسك يبغى يحل الواجب لدرجة يقول ماما حكيلي في الضهر كلها اذية من العارض عشان لا يذاكر او شي برضو احيانا يصدع ويتمغص يكون طبيعي اول ما يبدأ يكتب يتعب ممكن المريض يسخن اسبوع مع بداية العلاج يعني نتوقع اي شي التعب دا عشان لو المريض ايمانه مو قوي او الام تقول من الرقية وتبطل تقول بدل لا تفيده الرقية تتعبه و ولدي احيانا يبكي مع القرآن ويضايق ويعصب واحيانا عادي ويقرأ مع الشيخ بس دحين اول ما اشغلهم قرآن يحفظه ينعسو وينامو نومة عميقة واهم شي تحصين الطفل بالمعوذات 3 الاخلاص3 آية الكرسي1 آخر آيتين من سورة البقرة التعويذات النبوية وماشاءالله ولدي دحين ستة سنين حافظ آية الكرسي وآخر آيتين من البقرة وسورة البقرة لما يسمعها يقرأ مع الشيخ يعني قبل ما يقول الشيخ الآية هو يقولها ماشاءالله وشاطر جدا جدا جدا ماشاءالله متميز خطه والله مو خط واحد اولى ابتدائي ومن قبل كم شهر ما كان كدا كان ابسط الامور ما يعرفها ولاحظت الام مستوى التعبد لام خاصة والاهل عامة يأثر في العلاج يعني مثلا لو قريت قرآن حتي لو مانويت لهم اشوف تحسن زي كدا يعني ومايحتاج اقول اغاني موسيقى قنوات فضائية صور دببة ماينفع حتى الملابس الي برسومات ما ينفع ونعود الطفل عالاذكار النوم الخروج والبسملة ةووووووو والله يشفينا جميعا

والي سأل عن طريقتي عيالي كنت اشغلهم رقية العين والحسد والتنزيل والاخراج للشيخ عبدالله...