بنت الله يخليكم ويرزق كل محرومه بالذريه الصالحه (من تعرف طريقة مقلقل اللحم ) ******

راح اعطيكي طريقتي

تهببببببببببببببببببل

امشي معي بالحذافير

والله انها معتمدة عندي من اول نااتزوجت الى الان

جيبي لحمه فخد
وقطعيها
بحجم بنانين من بنان الاصابع وتلانك عارفة ان اللحمه تذوب
مع الطبخ

وسوي كميه كبيره

من اللحمه

المهم
جيبي قدر الضغط
وحطي فيه زيت

وحطي
لحمتك وقلبي الى ان تنزل لحمتك مويتها
بعدها
اضيفي
ملعقة اكل ثوم مليانه

وقلبيها
وحطي
ملعقة ونص كزبرة ناشفه
وحطي فلفل اسود

وبعدها
حطي مويه

مقدار يغطي اللحمه

وسكي قدرك
تقريبا الي ساعه

افتحي القدر
تكون المويه خفت حطي ملحك

او مرقة ماجي
وتخلي القدر مفتوح عشان المرقه تتبخر
وتصير تخينه

وذوقي احلى مقلقل

قبل يومين لسه مسويته
خخخخخخخخخخخخخخ

ادعي ليه من قلبك ياغاليه
واي سؤال حاضرة

الله يعينك من جد -صعبتي علي والله
شوفي حبيبتي اعرف طريقتين وعادي ممكن ينأكل مع الفطور الصبح
الطريقة الاولى اتعلمتها من امي الله يحفظها
تقطعين اللحم قطع صغيرة من غير عظم طبعا وقطع أكبر من اللحم قليلا شحم وتحطينهم على نار خفيفة جدا وتضيفين بهار وملح (قرفة -فلفل اسود -ليمون اسود-عود خلنجان-هيل-كركم)جميعهم مطحونين وتتركينه على النار إلين يستوي من غير اضافة ماء اللحمة حاتستوي بمويتها اللي تطلع منها..وبعدين حطيها بصحن التقديم وبالهناء والعافية
الطريقة الثانية
تغلي قطع اللحمةالصغيرة فقط في ماء بعد ما تستوي تحطي بالمقلاة بصل وثوم وتقلبيهم على النار بشوية زيت ثم تضيفي لهم طماطم مقطعة قطع صغيرة ومن ثم اضيفي لهم قطع اللحمه والملح والبهار وقلبي 10 دقائق ثم شيليها من على النار وضعيها بطبق التقديم وبالهناء والعافيه عليك وعلى ابو الشباب..على فكرة الطريقة الثانية تستخدم اكثر شي على الفطور أما الاولى احسها للعشاء افضل وبالأعياد
اتمنى اكون افدتك

1_ قطعي اللحم صغير
2_ قطعي 2 بصل صغييييير واهرسي فصين ثوم زييين
3_حطي الزيت واضيفي البصل وقلبي شوي وبعدين اللحم والثوم
وقلبي فيها مده ربع ساعة ولاتظيفين ماء نهائي
4_ حطي مرقة ماجي الكمية على حسب اللحم وقلبي فيها
5_اظيفي شوي كمون وكركم وطماطم مفروووم وقلبي
وقبل لاتطفين عنه اظيفي جزر مبشور وفلفل اخضر ولو يكون ملون افضل
وعادي ممكن تسوينه على الفطور او العشاء ..

الله يعينك على كذا يبيلك 24ساعه بالمطبخ
انا زوجي مايحب الاكل بالعافيه الغداء او العشاء واي شيء جديد (مابي)
الطريقه منوعه وعده طرق وانا صراحه اسويها بكم طريقه
اولا:ان كان عيد او جمعه كبيره قطعي اللحم قطع كبيره زي كل ضلعين جميع الهبر شرائح وهكذا وحطيهم بقدر مع زيت وبصل حسب رغبتك شرائح او صغير وقلبي بالملعقه الين تبدا يتغير لون اللحمه اضيفي الملح والبهارات والفلفل وقصري النار وكل دقيقه قلبي الين تستوي
ثانيا:لخمس اشخاص او شخصين000
قطعي اللحم صغير
بصل شرائح فلفل رومي الكبيراخضر واصفر واحمر شرائح يحمس بزيت ويضاف اللحم ويقلب الين يتغير لون اللحمه اضيفي الملح والبهارات والفلفل وكان تحبي حاره قطعي مع البصل فلفل حار شرائح
واتركيها الين تستوي مع التقليب حتى لاتلتصق
ثالثا:للتنويع00
امكانيه اضافه قليل من الماء حتى يكون لها مرق قليل
امكانيه اضافه ذره اوبازلا او ملفوف شرائح بدل الفلفل الرومي الكبير
امكانيه اضافه بقدونس او كزبره او شبت
الثوم اختياري-عصير ليمونه اختياري -لون اصفر اختياري
انا دائما احب اسويها بمقلاه تيفال ككبير او قدر تيفال حتى لاتلتصق وتعطي نتائج جيد
اضيفي الملح بعد ماتبدا اللحمه بالنضج حتى مايطلع ماء ومايأخر النضج

شوفي طريقتي سهله اول شي : اقطع اللحم بالعظم واحطه في قدر الظغط اخليه لحد مايطلع الريم حق اللحمه بس لا تكثرين ماء يادوب اللي يغطي اللحمه واخليها تغلي من غير مااقفل الغطاء خليها تطبخ على راحتها لحد ماتقرب تستوي وتقل المويه على طول اضغطي عليها نص ساعه اواقل بعدها افتحي القدر واذا استوت اللحمه حطي ملح فلفل اسود كمون بصل مقطع وثوم مدقوق وحركيه على النار خمس دقائق عشان اللحمه تكسب طعم البصل والثوم .

هذي طريقتي سهله جدا وعليها طعم شي مو طبيعي وبعدين برحتك تبغين تحطين طماطم فلفل حار حطي بس هذا كله بعد ماتستوي اللحمه.

اتمنى يكون الشرح واضح وبالتوفيق .