بليز بنوتات ابغى حشوه سمبوسه بالخضروات

للرفع

مشكورة شهد حائل الله يرفع قدرج دنيا واخره

**********************
بليز بنوتات معقولة ما تعرفوا حشوه خضار محتاجتها ضروري

الحل عندي وانا ابوهندي

اول شي المقادير>> بصل مفروم+بطاطس مقطع صغير جدا+جزر مثله+كزبره خضراء

فلفل حار عند الرغبه+كركم +ملح وفلفل اسود

انا عن نفسي ما اسلقها احس طعمها وهي مشوحه مع البصل الذ الف مره

المهم 00 حمسي البصل على النار واضيفي البطاطس والجزر معه على نارجدا هاديه

اضيفي الكزبره والبهارات والفلفل الحار المفروم طبعا

وغطيها وكل شوي شيكي عليها واذا بدأت تنشف صبي عليها شوي

ماء قليل جدا واذا نضجت الخضار طفي عليها


وصحتين على قلبك عيوني

حبيبتي اخذي حشوتي الكل متهبل عليها انتي جربيها و اذا عجبتك اعتمديها

حبه بطاطس وسط+ حبه كوسى + حبه جزر + ثلاث و رقات ملفوف + حبه بصل + فلفل اخضر رومي نصف حبه + بزاليا مفرزه + ذره مفرزه او علب جاهزه و شوي بقدونس + ماجي و ملح و بهار على ذوقك + و انا افضل اضع ملعقتين من الصويا صوص بس اختي عندها عادي

الطريقه:

قطعي كل الخضار تقريبه نفس الحجم و حاولي يكونو صغار و بشكل طولي و رقيق و لا تسلقينهم . حطي البصل في التاوه و حمريه خفيف و بعده الجزر ثم الكوسا ثم الفلفل ثم الملفوف وبعدهم البازاليا و الذره و اخر شي البطاطس المقليه و ضروري تقلينها في الزيت قبل اما باقي الخضار لا تقلينهم حطيهم على البصل على طول . ثم تبلي الحشوه بالماجي و الملح و البهار و البقدونس و الصويا صوص . و خلي حركتك سريعه و انتي تسوين الحشوه يعني بالكثير عشر دقايق و انتي منتهيه منها

شوفي حبيبتي

حشوة الخضار سهلة لكن سرها بالنكهة الي فيها

ومنكهات الخضار هي الكزبرة والشبت

باتحطينها طازجة وتعطيك طعم حلو

وجربي تحطين جزء من الحشوة كزبرة ناشفة لان لها طعم خاص مميز

وكمان وضع حبتين بيض على الحشوة عند الانتهاء من عملها

وكمان الجبنة المبشورة كرافت تعطي طعم ولو حبيتي تخلطين عدة انواع بس من كل نوع ملعقة صغيرة للنكهة

وطريقة الخضار تشوحين البصل مع ثوم مفروم لو حبيتي ثم تشوحين البطاطس وبعده الجزر وتضيفين لهم شوي موية بس فنجال

تخلينهم خمس دقايق ولا تنسين الملح ثم فلفل رومي ثم بازاليا حلوة معلبة و ذرة ثم اضيفي الكزبرة والشبث وجربي الكزبرة الناشفة وفلفل اسود
وبالآخر حطي بيضتين واخلطيهم سريع وطفي النار ولاتنسين الجبن

واحيانا احط معها شوي صوص الصويا لو متوفرة افضل