عجينتي الرهيبة والطريييية من اختراعي

سلام ياحلوين
انا من كثر ماقرا في المنتدى قلت باخترعلي عجينة
المهم سويت عجينة مرة روعة ولذيذة وطرية بلمرة
المقادير
أ
كوب موية دافيه
ملعقة اكل سكر
ملعقة اكل خميرة
اخلطيهم مع بعض وخليهم شئ 10 دقايق لحد ماتلقي الخميرة وصلت لفوووووق الكوب
واللي ماتصير معاها تعرف الخميرة حقتها منتهي صلاحيتها

ب
2 كوب دقيق
3 ملاعق حليب
ملعقة اكل بكينج باودر
ملعقة اكل مليانة نشا
نص ملعقة اكل ملح
وللبيتزا اضيفي رشة بودرة ثوم
ثلث كوب زيت

اخلطي الزيت مع الدقيق وباقي المقادير ب وافركيها بيدك كويس بعدها ضيفي مقادير أ معاها واعجني اعجني وخبطي العجينة في الصحن اللي بتعجني فيه لحد ما تصير عجينة متماسكة واتركيها على جنب تتخممر نص ساعة او ساعة على كيفك المهم يتضاعف حجمها
وبعدها شكلي العجينة زيما تبغي وخليها على جنب 10 دقايق ترتاح وتنفش تاني وفي دا الوقت ولعي الفرن على درجة حرارة 180 درجة يعني لازم تدخل الفرن وهو حاااااااااااار
وبس خليها في الفرن 10 دقايق بس
وبالعافية ان شالله قريب بانزل صور