كل واحده تقول كم طيق على سفرتها برمضان؟ ووش هي الاطباق الي غالبا تسويها؟

اطباق عالم حواء

بسم الله الرحمن الرحيم

و الصلاة و السلام على خير الانبياء و المرسلين

حبوباتي طرحت فكره الموضوع لاني لاحظت فيه بيوت بسفرة الرمضان واجد تكثر اطباق الي يشوفهم يقول عندهم حفلة ماشاء الله

قلت خلونا نسولف ويا بعض ونشوف كل بيت و طريقته برمضان

احنا بيتنا عادي وما حنا اكولين و الاكل العادي ناكله برمضان

الاشياء الجديدة الي تفرق هي:
1/الفيمتو محبوب العايلة من طلعنا لهذي الدنيا ولازم فيه ثلج و البعض يضيف له سكر من اخواني

2/ السمبوسه بالجبن و اخرى باللحم و اخرى بالخضار و العام الي فات طلعت لهم فنتق جديد و ماتو عليه سمبوسة دجاج مفتت مو مفروم اكلت المفروم ولا عت كبدي استغفر الله

3/شوربة العدس

4/الطبق الاساسي غالبا رز، و يكون :كبسة دجاج ولا لحم ، او رز ابيض( جاول) مع مرق و هذا مو انا اسويه و السمك منسي تماما

انا الي علي الفيمتو و اعداده و كل انواع السمبوسة و السلطة و بس

و احيانا اسوي حلى بس المشكلة اهلي مو اكيلة حلى و الفطاير و البيزا احيانا اسويها اهلي مو كثير عليها

يعني و الله اسوي حلى و حلو بس ما القى من يشاركني الاكل الا واحد بس

فيا الله كل واحده تقول كم طبق على سفرتهم ووش هم اقصد الاساسين
و السحور بعد لا تنسونه
ملاحظة:
بعض البيوت مدري كيف يفطرون على فطاير و بيتزا و فول سبحان الله المعده خاوية و تبي شي لين مثل الرز الجريش مو فطاير؟؟؟

و البعض مثلنا على الاكل العادي الي هو الرز و تشريبه

رايي الشخصي:

مدري كيف بعض الحريم يسوون سفرتين واحده للفطور و اخرى للسحور
بالله متى تصلي و تقرا قران و تتعبد اذا اليوم كله راح للطبخ و النفخ؟؟؟

و الله اذا تزوجت ماراح اعود زوجي على الطبخات

الي ناكله ببيتنا بياكله هو ما عندي موائد و الحلى من كارفور ولا بنده
و اذا مو عاجبة الحمد لله الله مكثر المطاعم ولا شرايكم؟ ههه

ممكن اتبرع و اسوي بكل اسبوع مرتين حلى بس كل يوم لا معصي ماني طباخة هههه
108
17K

يلزم عليك تسجيل الدخول أولًا لكتابة تعليق.

تسجيل دخول

نجدية شرقية
نجدية شرقية
الغاليه
الناس كل له عاده وسبحان الله تستغربين من العادات
جدولي
شوربه لازم
سممبوسه
لقيمات
الطبق الرئيسي مره رز ومره مكرونيا ومره تشريب
مره بالاسبوع معجنات
ولازم حلى
وماننسى فيمتو والتنج
السحور لازم قبل الاذان بساعه اول اسبوع ولازم رز
وبعدين 3أسابيع بين نواشف والقالب مطعم
اللهم بلغنا رمضان
ورود الفرح
ورود الفرح
والله ياقلبي احنا زيكم امي تسوي المكرونه وسمبوسه وانا شوربه واحيانا تسوي لنا جلي وفطاير بالتمر وبسسسس وطبعا مع الفيمتو او عصير, من النوع الي مانحب الأكل والدسومات .. الحمدلله نتعبد الله ونسوي اكل بسرعه ونفطر ونصلي حتى نكون خفيفين بالمرره
حتى اذا امي روقت وسوت سفره كلنا نستنكر ومانحب خخخخ <عودتنا وعودة ابوي معنا
وماشاء الله وقتنا اغلبه طاعه وعباده ماننادي احد ولا نطلع لأحد الا في النادر نصلي بس التراويح بالمسجد
وووايش بعد امممم ايه وسحورنا لازم كبسه او مكرونه خخخخخ وطبعا الاغبيه كبسه لأن اذا كلنا غيرها نجووع خخخ غير السلطات ومعهم ايدام باميه او ملوخيه او اي شي .. وبس طال عمرك وانا عن نفسي استغل شهر رمضان في طاعة الله وماآكل كثير عشان انحف بعد مع ان جسمي حلوو بس متقلب
الأميرة جولي
الأميرة جولي
ماي *تمر*شوربة بعد صلاة المغرب*سمبوسة مكرونةوعصير
ويارب له الحمد والشكر لانو رمضان عبادة مش كلوو اكل

:)
سبحان الله
الحمدلله
لا اله الا الله
سبحان الله وبحمده
سبحان الله العظيم

لاحول ولاقوة الابالله
استغفرالله العظيم
ان اردتي تحقيق الى تتمنيه بإذن الله
http://forum.hawaaworld.com/showthread.php?t=2334581
شاهه2
شاهه2
والله ياقلبي احنا زيكم امي تسوي المكرونه وسمبوسه وانا شوربه واحيانا تسوي لنا جلي وفطاير بالتمر وبسسسس وطبعا مع الفيمتو او عصير, من النوع الي مانحب الأكل والدسومات .. الحمدلله نتعبد الله ونسوي اكل بسرعه ونفطر ونصلي حتى نكون خفيفين بالمرره حتى اذا امي روقت وسوت سفره كلنا نستنكر ومانحب خخخخ &lt;عودتنا وعودة ابوي معنا وماشاء الله وقتنا اغلبه طاعه وعباده ماننادي احد ولا نطلع لأحد الا في النادر نصلي بس التراويح بالمسجد وووايش بعد امممم ايه وسحورنا لازم كبسه او مكرونه خخخخخ وطبعا الاغبيه كبسه لأن اذا كلنا غيرها نجووع خخخ غير السلطات ومعهم ايدام باميه او ملوخيه او اي شي .. وبس طال عمرك وانا عن نفسي استغل شهر رمضان في طاعة الله وماآكل كثير عشان انحف بعد مع ان جسمي حلوو بس متقلب
والله ياقلبي احنا زيكم امي تسوي المكرونه وسمبوسه وانا شوربه واحيانا تسوي لنا جلي وفطاير بالتمر...
و الله حلوه طريقتك بس الثلاث اسابيع كلها مطاعم للسحور ترا مو كلها نظيفه حبيبتي خصوصا اذا عندك صغار الله يحفظهم لك


بارك الله فيك حبيبتي طريقتكم شبه طريقتنا بس بالعكس هههه

انتو سحوركم فطورنا و حنا فطورنا سحوركم

بالعاده الطبخ للفطور و السحور خفايف

بس حلوه المكرونة خصوصا باللحم تغني عن الكبسه

ترا توقيعك نسخته مره راق لي بارك الله فيك كثير حلو
شاهه2
شاهه2
ماي *تمر*شوربة بعد صلاة المغرب*سمبوسة مكرونةوعصير ويارب له الحمد والشكر لانو رمضان عبادة مش كلوو اكل :) سبحان الله الحمدلله لا اله الا الله سبحان الله وبحمده سبحان الله العظيم لاحول ولاقوة الابالله استغفرالله العظيم ان اردتي تحقيق الى تتمنيه بإذن الله http://forum.hawaaworld.com/showthread.php?t=2334581
ماي *تمر*شوربة بعد صلاة المغرب*سمبوسة مكرونةوعصير ويارب له الحمد والشكر لانو رمضان عبادة مش كلوو ...
يا زينكم و يا زين الي بتاخذ منكم ما راح تتعب بالشروط و الطبخ

بس مو كنكم بسيطين بزياده هههه

يعني ما فيه رز تشريبه جريش هريس