بطاطس مشويه متبله بالثوم والكزبره لذيذه ومشبعه😋

<img style="font-size: 100%; -webkit-text-size-adjust: 100%;">السلام عليكم ورحمة الله وبركاته
عندي لكم وصفه سهله ومحببه عند العيال وعند الكبار
احب اسويها لعيالي الصباح لاني الاحظهم بعدها بصيرو نشيطين وهاك يامطارده الله يعين ويجزينا الجنه على تعبهم وشبعانين فتره طويله مايجوعو
انا احبها كعشاء صحي وخفيف نوعا ما


نبذأ بسم الله
خذي بطاطس الكميه اللي تكفيك
لنفسي انا اخذ حبه كبيره
اغسلها زيييين اذا كنت اقطعها بقشرها
ومرات احطها بدون قشر
بس الافود بالقشر وصرت احطها بالقشر لما فيه من فوايد
اقطعهم مربعات مربعات اول طوال اللي يناسبكم
مربعات اصغر من الكيري بشوي ان شاء الله وضحت معاكم
واصب شويه زيت زيتون مررررره قليل بس عشان تتقرمش من برا
واتبلهم بشويه بهارات احط كمون وفلفل اسود وشويه كاري البارد شوييه مو كثير
وملح
احركمهم واخلطهم سواء وادخلهم الفرن نص ساعه
وبعد الربع ساعه الاولى اقلبها عشان تتوزع الحراره على جميع الجهات وارجعها للفرن
وبينما تستوي اقطع شويه كزبره او بقدونس
وافرهم فص صغير ثوم وملح واخلطهم واحطهم ع جنب
اذا استوت البطاطس اطلعها واحط الخلطه عليها
واحط جنبها غموس اللي هو مايونيز تكا من شركة نور تلاقوه ببنده انا احبه مع جميع الاكلات
وتلذذي بالطعم😋😋😋
عندي لها صوره بس ماتنزل هنا لانو ارسل من جوال