ولدت بقيصرية .. الحمد لله رب العالمين

انا بكريه ولدت بعملية قيصرية .. الحمد لله رب العالمين .. وجبت بنوتة قمر :27:

من ايام المراجعة والدكتورة تقول لي الجنين مانزل في الحوض واحتمال نولدك بعملية اذا ما نزل

وقالت لي نجرب وقت الولادة اذا ينزل مع الطلق ولا ماينزل

المهم كنت مثل اي حامل بكرية من بداية التاسع وانا انتظر على نااار متى تبتدي آلام المخاض عشان اولد واخلص

بآخر اسبوع من التاسع تنقعت يومين ورا بعض في مغطس مويه دافيه لعل وعسى يجيني الطلق

ورحت مراجعة عند الدكتورة وكشفت علي الكشف الي يكشفونه للولادة عشان تشوف عنق الرحم قالت لي حجم

الحوض زين والعنق لين بس مانزل الجنين:44:

احتمال لام الموية حقت الجنين كانت زايدة

المهم كنت حاطة في بالي امل انه ينزل وقت الولادة مع الطلق

وفي الليل حسيت بألم في ظهري نفس الم الدورة ونزل علي دم ورحت المستشفى ودخلوني غرفة الولادة كان فيني طلق خفيييف ومفتوح عندي واحد سانتي

قالوا لي هذا الي نزل من الكشف واذا زادت الالام عليك او نزلت موية ارجعي :icon33:انا تحطمت كنت ابي اووولد

وكنت انتظر متى تجي اجازة زوجي كنا حاطين في بالنا ان احنا نمشي مشي مب صاحي ونتمشى من الظهر الى الليل

يوم اجازة زوجي كان قبل بيوم من موعد الولادة المتوقع الي عطتني اياه الدكتورة

وفي الليل نمنا واحنا مخططين ان بس نقعد نطلع نتمشى

وكنت احس بثقل من تحت مو طبيعي وكنت اقول في نفسي اي ان شاء الله هذا الجنين قاعد ينزل

وكنت اتقلب واحس بآلام في ظهري ومو عارفة انام

وحسيت بشي كانه طق في ظهري وقامت تنزل علي موية مو طبيعية كأنها حنفية مفتوحه

قعدت زوجي قلت له يلااااا المستشفى :eek:

وكنت مو عارفة امشي لان الموية كل شوي تنزل كاني قاعدة افتح واسكر في الحنفية

وصلنا المستشفى ودخلوني غرفة الولادة وبسرعة حسيت ان آلام الطلق ابتدت وكان طلق حامي

خلوني اطلق تقريبا خمس ساعات وجات الدكتورة قالت لي الجنين لسه مرتفع مانزل :44:وقالت بعد بتخليني ساعة زيادة

المهم بعد هالساعة حسيت اني خلاص بموت من الالم قلت لها خلاص اذا مافي فايدة سوي لي عملية

وكان مفتوووح خمسة سانتي ( انا هنا حسيت في الامهات شلون يعانون كان فاتح خمسة وانا كنت احس بألم فضيع )

المهم خلتني شوي وبعدين ودت الورقة حق زوجي ووقع على العملية

انا مااا صدقت خلاص عملية بيفكوني من هالألم مع اني كنت خايفة منها قبل بس حزتها ماخفت :o

وعلى مايسوون تجهيزات العملية وانا اتحرك واعوفر مو قادرة اثبت وودوني على غرفة العمليات وحطوني في سرير ضيق وانا بعدني اعوفر لان الطلقات خلاص قامت تجي ورا بعض قالوا لي اثبتي بتطيحين :)

وانا مو قادرة اقول لهم يلا عطوني بنج

وحطو لي الكمام وبعدها ماحسيت بشي :35:

وووهذي قصة ولادتي وخلصت :)

والله يهووون على كل الحوامل ويصبرهم