موظفة دوامي طويل ويومي كله ملخبط ساعدوني

مسا الخير

انا توظفت من جديد الحمدلله بس دوامي طويل وبعيد وانا اللي بروح بسيارتي اطلع الساعة 7 ونص ومابرجع غير الساعة 6 وجوزي بيرجع معي بنفس الوقت

طبعا دخلت همم الموظفات حلوة الافكار جدا ولكن لان دوامي طويل كتير ما بيناسب

انا مجوزة ومامعي اطفال ادعولي الله يرزقني ياهم

ساكنة في بيت صغير غرفتين مع الصالة

وانا لازم نام بالليل كفاية مافيني ضحي بالنوم بصراحة:icon28:


انا بكون موجودة بالبيت الصبح من الساعة 4 او 5 الي الساعة 7 ونص

وبالليل موجودة من الساعة 6-9 بعدها خلص بنام

انا حاليا اطبخ وجبتين فطور وعشا من بعد المغرب مباشرة وبنوع بالفطور والعشا يوم مكرونة يوم شوربة يوم مقالي يوم رز يوم سندويشات

الغسيل 3-4 مرات بالاسبوع

الكوي بكوي جزء بالبيت وجزء ببعته على المغسلة وكل يوم بجهز لبس الي ولجوزي

ماعندي جدول حتى الان وصرت اتعب وانا بفكر لان مافي تخطيط شو بعمل كل يوم

عندي شي كتير مهم توفير وقت صلاة الليل +قران +دعاء مابدي اتنازل عنها وقررت هالشي يكون قبل صلاة الفجر
مهم عندي اعمل رياضة بالبيت كمان مابدي اتنازل

عادي عندي جيب عشا من برا بس مش كل يوم طبعا

والاهم من يوم توظفت صرت مافيني ارتاح بالبيت بخلص شغل وبدي نام فورا واحيانا ما بقدر اكفي حقوق الزوجية

طبعا الزيارات فقط ايام الاجازة ماعندي مشكلة

طبعا لاني برجع اخر اليوم صعب يكون كل التنظيف والغسيل والكوي بالليل خصوصا جوزي بيرجع البيت وبده هدوء وراحة

طبعا اجازتي الاثنين والجمعة

يعني بستغل يوم الاثنين بالتنظيف طبعا بس كمان بحب ارتاح فيه واطلع اغير جو