ما شاء الله مشروعك على كبير
انا مقيمة في ايرلندا و مستحيل اقدر اسوي مشروع بسهولة لازم يكون عندي الجواز ولا اكون عندي فلوس وااايد والاثنين ما عندي فكرت اسوي لي مشروع بسيط بس حاليا قاعدة اسأل واجمع معلومات واجمع لي شوية فلوس تساعد . الفكرة هي

اشتري ملابس داخلية للعيال هنا وقت التنزيلات كمية كبييرة زي بالجملة كذا و عقب ارسلها الامارات تتباع هناك والفلوس اللي تطلع لي من هناك بالدرهم اخليهم يشترون لي اشياء نحتاجها نحن العرب هنا وابيعها للعرب

المشاكل اللي عندي لحد الان
الشخص اللي راح اوثق فيه يسوق لي هالاشياء
الشحن ما ادري لحد الان بشحن بالبريد ولا بالكارقو (من المطار)
لحد الان ماعندي فكرة السالفة كلها بتكلف كم يعني

شو رايكم

فكره رائعه .....وانتي باي منطقه

ابداع فني

فكرة ممتازة

اشحنيها بالمطار احسن لك والبضاعه ممكن احد من احبابك بالامارات يعرضها على المحلات وممكن يتعاقد معاهم

كذا تكوني تجارة رابحه ان شاء الله

ابداع مشروعك روعه ومربح ان شاء الله بس نصيحه ابدي بمبلغ بسيط عشان تاخذي وقتك وتتعلمي اصول وفن التجاره هذي علىمهل لمايكون راس المال كبير راح تنشغلي وتتشتتي وممكن ماتثقي بنفيك وتخلي احد خبره يدير لك المشروع وتحرمي نفسك التجربه والفائده

الاخوات الانثى الحنونة والسعودية موضمي اشكركم على ردكم و اهتمامكم خلاص الحين فهمت ان الشحن بالمطار احسن وابدا براس مال بسيط ان شاء الله يعني زي 500 يورو كذا؟ تعادل تقريبا 2500 درهم او ريال ما ادري الله يسهل علي و عليكم و يوفقنا ويرزقنا من حيث لا نحتسب