ولادتي بمستشفى الحياه الوطني بخميس مشيط

قصه ولادتي بمستشفى الحياه بخميس مشيط
السلام عليكم اخواتي العزيزات
بما اني بحثت طويلا قبل ولادتي عن تجارب البنات بالولاده بمستشفى الحياه ومالقيت الا تجربتين تقريبا
فحبيت افيد البنات بتجربتي الشخصيه
اولا بدا الطلق معي من سبعه الصباح تقريبا ومشيت للمستشفى ع الساعه تسعه كان طلق متباعد بس زوجي رفض يخليني بالبيت قال يالله حدك باقي تقدرين تمشين المهم ورحنا ع المشفى وكشفت عليه الدكتوره وقالت باقي مقفل المهم جلست تقريبا ساعتين بالانتظار ورجعت لها وكشفت قالت مفتوح اثنين سانتي اطلعي التنويم وسوي تحاليل دم
المهم طلعت غرفه الولاده وحطوا علي جهاز التخطيط وراحوالممرضات ويسولفون عند الريسبشن مايجوني حتى ازهمهم وصراحه تضايقت من ذي الحركه المفروض ماتروح من عندي حتى اولد وطبعا الدكتوره مش موجوده هم يدقون عليها اذا قربت الولاده
طبعا فيه وحده تجي تكشف من تحت وتروح
المهم الساعه ثلاثه تقريبا بدا يحمى الطلق ويزيد فقلت لهم خلاص ابي ابره الظهر قالوا لازم تسوين تحليل سيوله دم ويجلس التحليل ساعه او ساعه ونص يمكن خلاص. ذا الوقت تولدين
قلنا توكلنا ع الله مالنا الا الصبر وكل شوي انادي ع الممرضه اقولها اعطيني الكمام الاسود يريحني شوي قالت طيب
وماجابته
جابت لي اكسجين عادي تحسب انها بتضحك عليه واقولها نادي الدكتوره قالت طيب طيب
جت الدكتوره بعد ماكرهت نفسي وقالت مفتوح 7 هذا الكلام ع الساعه خمسه وراحت ونص ساعه وجت ودخلت يدها وفكت مويه الجنين وراحت وشوي ورجعت وجابوا المقصات واغراض الولاده
وبداءت ادف واقولها تكفين لا عاد تروحين قالت قولي يارب
وزاد الدف والطلق وقامت الكتوره توسع بيدها وكل شوي تدخل يدها وتوسع وحتى قرب الراس يطلع وقالت دفي وتنفسي وماعاد قدرت اكتم النفس خلاص انهلكت وحاولت حاولت الييين طلعت بنتي الله يحفظها وع طول دكتور الاطفال كان متواجد في غرفه جنب غرفتي ولها باب من نفس غرفه الولاده وشالوا البنت عنده وطلعوا المشيميه وخيطتني وحطت لي بنج ابرتين وخيطت بس حسيت بالخياطه وراحت ومسحتني الممرضه وراحت وخلوني ساعتين لحالي ولاودوني لاحمام ولاغيره واقولهم ابي اكل جوعانه قالوا بعد ساعه طبعا ولدت الساعه سته وجاء العشاء ثمانيه وبااااااااااارد اللهم لك الحمد وبعد العشاء جتني ممرضه قالت يالله الحمام غسلي والبسي واوديك تنويم مابعد الولاده واذا تبين ادخل معك والبسك بدخل قلت وديني الى الحمام ولو حسيت بدوخه او اي شي بناديك خليك عند الباب بس الحمدلله وقتها مادخت وغسلت ولبست وطلعتني التنويم بالدور الثالث طبعا بنتي بعد ماشافها الدكتورجابوها لي وشفتها واخذوها للحضانه
خدماتهم صراحه زفت حتى المويه ماعندهم
بس الوجبات الرئيسيه ورحت لهم طلبتهم مويه قالوا مافيه ماعندنا قلت طيب شاي قالوا مافيه
جلست عندهم لليوم الثاني المغرب وطلعت
جاء زوجي يدور ع عربيه عشان اجلس فيها مالقي ويقلون له روح دور عند الابواب الخارجيه وراح مالقي شي بعدين راح للمدير وقالهم حتى بفلوسنا ماتخدمونا وماقصر الرجال راح وجاب عربيه مكسره من تحت يعني مالها رجول وجابها زوجي ورحنا اخذنا البنت من الحضانه وطلعنا وتوووووبهً ماعاد اولد عندهم
طبعا اقولكم بالفرق بين المستشفى العسكري بالخميس وبين مستشفى الحياه
العسكري اول ماتجينهم ويكشفون ويقلون ولاده خلاص يجهزون ملفك وياخذونك بعربيه لغرفه الولاده اما الحياه لا الكشف تحت وبعدين انتي تطلعين للدور الثاني للولاده
العسكري الممرضه ماتطلع من عندك تجلس معك تروح شويات بس ماتطول وترجع والدكتوره كل شوي تمر عليك
اما الحياه داقينها حنك وسوالف عند الرسبشن
العسكري احيانا يعطونك الكمام الاسود يعني انتي وحظك اما الحياه طلبتهم ومااعطوني
العسكري الشاهي والمويه والجبن متوفره باي وقت اما الحياه ابددددا مالقيت شي يقلون خلص
وجبات العسكري احسن من الحياه
وخدماتهم افضل بكثير
والله ييسر ولادتكم يارب
حبيت افيدكم بتجربتي