تكفووون سااعدوني :(

السلام عليكم شخباركم خوااتي؟؟


سجلت فالمنتدى لأني واثقه انكم بتساعدوني ..


انا بنت عمري 18 سنه تزوجت من اربع شهور من شخص ماعرفه ولاعمري شفته ومابينا اي صلة قراابه

بناءً على رغبة ابووي وامي وحيث اني اخر بنت خواتي كلهم تزوجو وكذا بنات من قرايبي وامي بدت تحن كل البنات تزوجو وانتي على راسي؟ المهم وافقت وتزوجت .. اول شهرين اكتشفت اشيااء بزوجي انه يحبني ومايرد لي طلب بس اي شي خواته او اهله يقولونه ع طوول يسويه مثلا مره كنا طالعين اتصلت عليه اخته وهاوشته ليش انا مو لابسه نقااب مع اني كنت متغطيه ..هالسالفه كانت بداايه اكتشافاتي بزووجي رغم ضعف شخصيته كان عقله على قده يعني مو رجال ينشد فيه الظهر واللي كل وحده تتمناه صرت احس اني ضايعه وصبرت عليه .. وعلى ابوه المتسلط بس حاولت اخفف الاحتكاك بأهله وخواته لأنهم مو زينين وياي قبل فتره جاء عندي وقال خواتي موجودين امشي لهم رفضت اني اطلع وعندي اكثر من سبب يخليني مااطلع لهم . المهم عصب ابو الشباب وراح لبوه وخواته بعد شوي رجع وهو معصب قال شيلي اغرااضك كلها بوديك بيت اهلك؟ بيكت ترجيته مايوديني بس مارضى وانا اجادله سمعت جواله رن وصوت ابوه يقول له : هااه طلقتها؟ هي شالت اغراضها كلها؟ بعدين عرفت ان ابوه هو اللي طلب منه ولأنه ماعنده شخصيه قدامه وااافق تخيلوووو وافق يبيعيني عشان ابوه؟ وانا ماقصرت معاه بشي والله من اول مااخذته ماعمري رفضت له طلب كل شي حاظر من عيوني حتى لو زعل وكان هو الغلطان اروح واعتذر مع انه هو اللي غلط . بعد مارحت بيت اهلي ارسلت له مسج وقلت له انه مو رجال اللي ابوه وخواته يمشونه على كيفهم ؟ تدرون شنو سوى ؟رما اغراضي بالشارع قدام الرايح والجاي باكياس زباله؟ وبعد فتره جاء عندنا وقال بيرجعني اهو وابوه .. وانا بصراحه احبه ولأني بعد عارفه شلون بتكون حالتي عند اهلي > يامطلقه < ووافقت ارجع له قلت لهم بكره بروح معكم قال اوك وقعدت اكلمه طول الليل يقول ياربي متى يجي بكره ومن هالكلام . المهم جا بكره وهو ماجاء اتصلت عليه قال بالدوام ومو طالع الا بكره سكرت منه وبعد السحور والفجر قالت لي اختي صلي الاستخاره ماراح تخسرين شي وصليتها ونمت صحيت على صوت الجوال العصر الا هو زوجي يقول > اشوفك بالمحكمه يعني بيطلق قلت ليش غيرت رايك قال بس خلاص وسكرت منه بس هالمره حسيت شي عادي عكس المره الولى كنت بنجن عليه مو قادره على فراقه بس بعد احس اني حزينه عليه بفقده وانا احبه ..واحنا الحين بنتطلق خلاص بس المشكله احس اني حامل واذا حملت شنو بيكون مصير اللي ببطني ؟ ولو غير رايه هل ارجع له او اتركه؟ ساعدوني الله يجزاكم خير .. ع فكره صارلي 3اسابيع في بيت هلي ويوم نزلني ببيت اهلي قعد يبكي وقال انتبهي على نفسك وراح ..