السلام عليكم
في البدايه حبيت اخبركم اني قبل اسبوع من الولاده وتقريبا في الاسبوع 35 قلت ابي اولد خلااااص
... الله يكرمكم كان معي اسهال ,ترجيع , حرقان , التهاب في البول, بواسير ..
كل شي يجي للحامل كان معاااي .. حطيت كذا موضوع بخصوص هالشي في هالقسم خخخ... يمكن ثلاثه مواضيع في اسبوع بس
المهم كان عندي ثقل مو طبيعي واحس ان البيبي نازل تحت .. في الاسبوع 34 رحت للدكتورة
وسألتني كذا سؤال وقلت الها الاعراض ..عطتني حبوب تبعد التقلصات لحتى ماتصير ولاده مبكره .. بس
اختكم خافت تشربها وتعوشر زي معظم الحريم:D .. صرف رجلي الدواء منا واخذته وحطيته في الدرج
ولا شربت ولاحبه ....
نجي الى ليلة الحقيقه:o ..هع كنت في بيت اهلي مع بنات الخال والعم نحتفل بأختي وبعض من نسيباتي بقبولهم في الكليه وكانت النفسيه زفت :angry2:... والاخلاق مييييييييح:o
اتبطح واتسدح مو قادره اتنفس احس انها جالسه بلعومي..
واللي جالسه معاهم كلهم بنات .. الا انا المتزوجه ..يعني مو عارفين شو فيي .. يفتكروني اتدلع ..
وانا ووف وف :16:.. كان هالشي ليلة الخميس .. وموعدي يوم الخميس
كنت اقول لهم بكره بووولد خلاص مو قادره اتحمل .. يقولوا لي مو على كيفش .. قلت الهم بتشوفوا (الاخت قررت تولد) ...
بكره ماراح اطلع من عند الدكتوره الا على غرفة الولاده...
المهم جا زوجي اخذني من بيت اهلي مع ولدي ورجعنا شقتنا والنفسيه ولا اروع
كنت مو عارفه انام ضيق تنفس وحالتي حاله طلعت الصاله وجلست لوحدي ابكي ابي اولد ورحت لالة المشي وحطيت حرتي فيها مشيت ساعه الا ربع ..
وكنت اتمنى يجي ليي الم طلق قوي خخخخ واجلس زوجي يوديني المستشفى بس ولا شي مافي الم اللهم الم لسهال العادي:eek: ... المهم
اذن .. صليت وانتظرت الى 8 الصبح جلس زوجي من النوم... ورحت موعدي ( طبعا في الليله اللي طافت زوجي وولدي حصلوا مني الهوايل :30:..
المهم رحنا الى دكتورتي وطلع عندها عمليتين وبتخلص على الساعه12 ياويلي ..
انا هنا انهرت قلت مستحيل اطلع من المستشفى الا والده ..
قلت لزوجي يحجز لي عند دكتورة ثانيه
حجز ليي ورحنا الانتظار.. وكان مو زحمه ابد عليها ...
ملحوظه (كانت اختي منومه في نفس المستشفى وكانت امي مرافقه معاها يركبوا عليها دم )
في كل مره اخلي زوجي يدخل معي الموعد ... هالمره قلت له لاتدخل واصريت .. جلس ينتظر برى ..
دخلت عل الدكتوره
سلمت ... كانت حبوبه مره...جلست وسألتني عن اخباري واخبار الحمل ..
قلت الها عندي الم يجي ويروح خخخخ<<<نصابه طبعا ماكان عندي الم بس كنت ابيها تتحرك
وتكشف على امل يكون الرحم فاتح واولد... قالت ليي ومالو خليه يجي :eek: يعني عندها عادي
شيكت على ملفي شافتني والده بولدي الاول في اول التاسع قالت انتي ممكن تولدي ...
قومي نشوف الرحم...
طبعا بعد صياح وعويل وحوسه قمت انتفض والسبب الكشف ... كشفت ولقته مفتوح 3سم وموية الجنين بدأات تنزل..
قالت ولاده انا هنا شاهقت وطقيتها صياح قوي ,,,, نادوا على زوجي وقالت اله وقام يهديني
:06:
وفي هالاثناء زوجي راح يخلص الاوراق اتصلت امي تسألني اذا بركب الهم الغرفه .. وقلت الها اني بولد .. امي اختلعت وقالت ليي بنزل الك قلت الها انا اللي بركب الكم المهم ركبنا وهديت شوي وجلست مع اخواني لانهم كانوا زايرين اختي وحسيت بالاماااان
وقمت اضحك واسولف حتى جاء وقت الجد .. خلص زوجي الاجراءات وجا لي يالا قومي ...
رحت وحطوا علي جهاز الطلق وماشاء الله ماكان معي الم ... جلست اسولف لحد مادخلت النيرس بالملابس الخضرا ياويلي
طبعا انا كنت طالبه ابرة الظهر ودوني غرفة التخدير (سمفونية صراخ وعويل ) وركبت الابره
دخلت غرفة الولاده وكانت الساعه 12 وزوجي معي طبعا لاني جباااااااااااااااااااانه وخوافه
نسيت اقول لكم قبل لا اركب عملوا ليي سونار واتضح اني في الاسبوع 35 مو 36 خخخخ
على الساعه 3 صار 9 سم
وجوا بعدتهم وجت الدكتوره ويالا بوش هلكوني بالبوش وانا مو قادره ادفع زي الناس ..
جابوا لي الشفاط وشفطوها
وطلعت سارونه الصغيرونه بحمد لله على الساعه 3 وربع..
وزنها وقت الولاده 2,300
بس الحمد لله على الصحه ..
وتوته توته خلصت الحدوته
مو بس شويه @mo_bs_shoyh
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
ماشاء الله تبارك الرحمن
ألف مبروك البنوته يارب
وماشاء الله عليك قد الكلمه هههههه
بس حبيبتي بأي مستشفى ولدتي
ربنا يتمم عليك نفاسك وتقومي بالسلامه