ماراح تندموا خصوصا البكريات

صباح الورد للحوامل واللي مو حامل الله يرزقها 
اليوم حبيت انزل موضوع عناياتي بنفسي وقت نفاسي اسأل الله لي ولكم ان يسهل علينا ولايحرمنا الأجر ويتمم علينا بكل خير 
اول شي راح اقسم الموضوع كذا جزء حتي نفهم ايش اللي لنا وايش اللي علينا 
الجزء الاول تجهيز ماقبل الولاده 
اللي هي شنطتين تجهزينها قبل الولاده 
الاولى شنطتك وفيها ( 2 قمصان طويله وطرحات ثقيلة وشربات وسراويل قطن ثقيلة و كلوتات قطن وسيعه وفوط قطن ناعم و حقيبه يد صغيره فيها فرشاة ومعجون ولوكس وصابون سائل ومعقم وكسرة مره حطيها في مويه حاره وفي قارورة مويه شمي منها عشان الشمم وال ماتطلعين من الولاده اجلسي مرتاحه وهاديه ًأحمدي ربي وأشكر يه ع النعمه )
شنطه الثانيه شنطة البيبي (جيبي له ملابس وبجايم وبربتوزات 2 رضاعه للحليب والمويه وانصح بالرضاعة الطبيعه افضل وحفايظ وكريم الحفائظ وقبعه وشراشف وبطانيه صغيره تكونين مجهزتها من اول )
ملاحظه تكونين شاريه كل الأشياء قبل الولاده نهاية الثامن ومرتبتهم في الشناط ومجهزين ها عشان لو جت الولاده فجاء كل شي جاهز 
الجز الثاني بعد الولاده 
لك وللبيبي 
لك ( جيبي لك من العطار ثققققه قشر قهوه قرفه كمون سنوت زنجبيل فلفل اسود وفلفل ابيض وحلبه ورشاد وحبة سودا )
اول شي ملعقة عسل مع 7 حبات سودا مع الدعا ان الله يشفيك 
وبعدها فطورك 
مكون من بر كالسيوم بروتين أجبان 
اول شي بعد تمر معجون مكور في رشاد مع كوب قشر قهوه 
ثاني شي بعدها بساعه
7 حبات تمر رطب او عادي مع كوب حليب دافئ بالحلبه عشان تعطيك قوه وطاقه وبعدها نامي وارتاحي 
في الظهر غداك 
يكون مكون من بروتين نشويات شوربات لحوم خضار ايدامات 
ملاحظه الشوربات والايدامات حطي عليها كمون فلفل اسود وفلفل ابيض ذره من كل شي حلوه تنظف البطن 
بعدها بساعه او ساعتين اشربي نص كوب كمون او سنوت ينضف البطن من الغازات ويسهل عملية الإخراج 
العصر خذي لك خبز بر مع كوب قشر القهوه او توست بر او عصيده او عريكه او مبثوثه اي شي شعبي لازم عشان تتقوين وبعدها اشربي قهوه وكلي تمر وحلا بس لا تكثرين عشان ماتسمنين 
المغرب 
خليه أكل صحن فواكه مع عصيرات فرش 
العشاء 
تعشي اما مرقوق او جريش او هريس او قرصان او خبز بر مع معلبات وبعدها خذي ثالث كوب قشر 
ًالساعه 11 او 12 خذي كوب حليب دافئ بالحلبه مع اي شي خيف بسكوت او شابوره او كيك 
لازم ماتجوعين أبد اذا حسيتي يجوع خلي جنبك صحن فواكه وصحن تمر كرتون بسكويت آكلي فيهم 
كثري مويه جداً عشان مايجيك إمساك ومع الإمساك الله لايقوله بواسير 
حاولي تمشين كثيرررر عشان الخياطة ماتلتهب والأمعاء تتحرك 
طريقة قشر القهوه 
2 م كبيره قشر قهوه مع نص م صغيره قرفه مع شوية 5 حبات تمر مع ذرة من الزنجبيل والفلفل الأسود والابيض تطبخ ع نار هاديه ربع ساعه وتصفى ويس 
البيبي 
(شامبو بيبي لوشن بيبي زيت بيبي وأفضل شي جونسن حليب آللي يناسب طفلك حفايظ فيه ارقام من 0الي 3 خذي وأحد وبرضوا الحليب بودرة الصره مسحه طبيه عشان الصر منظف آذاني مناديل غير معطره قصاص أظافر رضاعات قزاز مصاصه بس حاولي ماتعودينه عليها فرشاة تنظيف الرضاعات ادوار الحليب آلي تحطين فيها حليب وع طول تصبينها في الرضاعه ويس هذا اللي أتذكره الحين ) 
طبعا انتي قبلها مجهزه وشاريه ملابس له 
الجز الثالث 
لك وللبيبي 
لك جيبي لك سرير مفرش اسنفجه كبيره ترتاحين فيها بطانيه ثقيلة اذا كأن وقت برد لبس طقم كامل من طرحه وقميص وجزمه وشراب تكون حلوه شكلها اذا جو ناس يسلمون عليك 
البيبي 
جيبي له سرير ومفرش طقم كامل مع أغراضه 
نصيحه لا تكثرين البيبي أغراض لانه راح تجيه هدايا كثيره 
الجز الرابع اهم شي لك 
وهو اذا كتب الله ويسرها لك وولدتي طبيعي جهزي الآتي 
كريم فيوسيدين البرتقالي فوط ناعمه قطن كريم ميبو مغطس ملح خشن مطهر بيتادين الأخضر مناديل ورق مطهر ستاروز الوردي 
فيتامينات
حديد وكالسيوم وزيت كبد الحوت حلوه ومالترينا وأي فيتامين تفضلين بعد استشارة الدكتوره
اول شي مغاطس لا تكثرين مره في اليوم وتكون دافيه مره مره تحطين مويه دافيه مع ملعقة كبيره ملح خشن ومره مغطس المره تتوضين فيهم 
المغطس اللي كل يوم كل صباح تسويته هو مغطس المويه الدافيه مع مطهر بيتادين للجروح حطي مويه دافيه وشوية مطهر بيتادين وتنقعي فيه لمدة ربع ساعه كل يوم كل صبح وبعدها نشفي المنطقه كويس وخطي مرهم ميبو مع كريم فيوسيدين البرتقالي 
والليل حطي نفس ألطريقه من الكريمات 
العصر تنقعي بمر او ملح ع حسب 
مطهر ستاروز مطهر وردي دي الصابون روعه حتى ريحته يحمي المنطقه من الالتهابات والإفرازات صابون رغوي اسألي دكتورتك عنه 
حاولي تلبسين كل شي وسيع 
ملاحظه هامه اللي يناسبني ممكن مايناسبك انتي اسألي دكتورتك عن طريقة الاهتمام بالخياطة كل وحده وحسب خياطتها وجرحها وعمقه وكبره وصغره أهم شي تكونين هاديه وانتي تجلسين لاتنقزين فجاءه او تقومين فجاءه امشي بهدى لحد نايلتيم الجرح وتطيح الخيوط ولابد من المراجعة والكشفيه اثنا النفاس عشان تتحنبين انفتاح الخياطه او التهابها 
ملاحظه مهمه 
بعد النفاس. راح تحسين نفسك توسعتي وراح تهوجسين أقولك من الحين شيلي هل الأفكار من رأسك والرحم ماراح يرجع لوضعه الطبيعي الا بعد 6 شهور كامله 
نصيحه لاتشوفين المنطقه بالمرايه عشان ماتتعبين نفسين طبيعي بعد الولاده كل شي يرجع لوضعه الطبيعي 
نقطه مهمه وهي انك بعد الولاده والأربعين راح تحسين انك تسمعين أصوات من المهبل طبيعي جداً لان الرحم نازل راح تحتفي هل الأصوات بعد 3 او 4 شهور انا سالت دكتورتي قالت طبيعي جداً هل الأصوات عشان الرحم نازل 
اهم شي اللي يشد الرحم هي الرضاعه الطبيعية حاولي ترضعي طبيعي 
ويس هذا اللي عندي اللي حابه تستفيد منه اللي جربت شي ماينفع معها لا تدعي عليه طبيعته الأجسام تختلف من جسم الى اخر 
انا كتبت الموضوع وتعبت فيه لوجه الله اللي حابه تنقله تتقله بشرط تكتب المصدر والعضوه 
شي مهم انا حامل ع وجه ولاده أدعو لي ان الله يسهل عليه ويفرح قلبي بجنيني ويرزقني بالوظيفة عاجلا غير اجل 
شكرًا أتمنى لكم حياة جميله سعيده أختكم لمسات هادئه