كل عروسه او متزوجه قريب تتفضل

رفع

رفع

انا لسى ماقضيت العطور وهالاشياء الخاصه بالحمام
لأنو لسى الفرح بدري عليه قلت قبلو بشهر اشتري

لكن انتي سوي ميزانيه لكل شي
انا غلطت اني ماحسبتها صح وكل شي اخدتو كده
بالنسبه للأماكن اول شي رحت للأندلس وقضيت كم طقم تقريبا 4
ورحت وقت التخفيضات
بالنسبه لقمصان النوم كترت منها اخدت كم قطعه فوق الـ 100 تقريبا 4
وطبعا غير قميص ليلة الدخله اللي كان من العروسه اللي بمجمع الشرق شريتو بـ 999 بدون الصندل والصندوق واغراضو لأني ماحبيت الطقم كلو قلت بشتري القميص واشتري صندل لحالو
وقمصان كتيره تقريبا 7 من تجتوج نزلو قبل فتره بضاعه مرا حلوه والقميص باربعين ريال
طبعا غير اللي تجي زي التنكريه وبدلة الرقص ومدري ايش هدي مدري اعتبرها قميص نوم او لا

بيجامات انا من قبل لا انخطب اشتري بيجامات شورتات فما اقدر البسها ببيت اهلي عشان عندي اخوان واستحي طبعا
لكن تقريبا 12 بيجامه كلها دلع ومرا كيوت اغلبها من سيتي ماكس

صنادل للبيت او السليبرز شريتها من سيتي ماكس الواحد بـ 14 وشريت من لافي ان روز اتنين يجي على شكل بوت سعر الواحد بـ 68 تقريبا هدا لو مو 99
وواحد يشبه الجزمه الفلات بس شكلو زي القطيفه بت 46 تقريبا

ملابس البيت مثلا بالعصريه وكده شريت 8 اطقم
شورتات على فساتين قصيره على بناطلين وتيشيرتات ..يعني نوعت لأني بلبسها ببيتي واخدتها وقت التخفيضات من
بيرشكا وبرناردي ومانجو واوفاز ...إلخ..كلها بالاندلس حتى في سنتر بوينت وسيتي ماكس اشياء مرا حلوه
وكمان بتجتوج تلاقي ملابس للبيت حلوه منها جينزات وتيشيرتات اشكال والوان وتنفع للخرجات العاديه يعني وكمان زياره لأهلك ولا طلعه مو رسميه

عبايه شريتها من تصاميم الخيال بـ 600 تفصيل وهو بالنجار

الجزم ماكملتها لكن شريت من مانغو جزمتين دخلت مزاجي الا اشتريها وحده بـ 188 والتانيه بـ 119
لكن حسيت انو الجزم هنا غاليه مرا قررت اشتري من خطوات اللي قريب من الجمجوم هناك الجزمه الله يكرمك ماتتعدا الـ 80 ريال وتكون مرا تجنن

الشنط اخدت شنتين من سيتي ماكس الوحده بـ 40 طبعا حقت خرجه شكلها مرا يجنن
وشنطه من محل مو فاكره ايش اسمو لكن كلفتني تقريبا 160
وبالنسبه للشنط خدي الثلاث الوان الاساسيه اسود بني ابيض او بيج والباقي خدي على لون البدله الي بتلبسيها

إكسسوارات انا مو حاسبتها تمام لكن كل ما اشوف شي يعجبني اشتريه اغلب الاشياء من الدو اشيائهم مرا حلوه
وكمان من سنتر بوينت

وفكرت اشتري طقم فضه او كريستال يعني حق السهرات او حق يوم الصباحيه ادا ماجاتني هدايا البسو والاسعار ماتقل عن الـ200 لو كان مرا حلو

انتي انتهزي فرصة التخفيضات وقضي فيها
وقبل كل شي سوي ميزانيه لكل شي
في موضوع مرا حلو للأخت دريم ويب ماشاء الله عليها ماقصرت موضوع شامل سوي بحث ويارب تستفيدي
مع العلم ميزانيتي ماكانت على قد كده ومهري كان عشرين ..طبعا شريت اشياء تانيه غير الملابس اللي هي شرشف السرير وطقم الحمام اللي مكون من روب الحمام وتبعاته من محل العروس اللي بمحمود سعيد كلفني 890 تقريبا
طقم مباشره كلفني 1900 بس مرا شيك من السيف <<من عاداتنا ان العروسه تجيبو يعني لا وحده تجي تقولي كيف ومو ع العروسه ومدري ايش هدا عندنا مو عندكم
علب واغراض احط فيهم الدبش لمن اخلص ..زي علب الجزم الله يكرمك من الهنداويه..لكن لو رحتي الخاسكيه تلاقي ارخص واحلى لكن محد يرضى يوديني هناك لانو كبير مرا

الدهب ما اشتريت لأنو مرا نار..لكن عندي شبكتي وكم خاتم من القديمين وطقم صغير جاني هديه

العطور اشتري عطرين من الغالي وعطرين من العطور العربيه وعطور من مكياجي مرا تجنن خاصه صبايا وكساره وقلبي
المكياج نصيحه لاتشتري شنطه مرا ماهي تمام انا بابا جابلي شنطه هديه هي صح غاليه بمعناها لكن بجد ما انصحك تشتري شنطة مكياج لأنها مو كل الالوان فيها ولا كل الاغراض


ولاتنسي تحطي ميزانيه لكل شي اهم نقطه ولاتسمعي كلام احد يقولك اشتري دا ولا دا...انتي اشتري الشي اللي انتي تبغيه

ودعواتك ربي يتمملنا على خير

اهلين حبيبتي

فيه بوتيك في جده لايفوتك اسمه ( أحلى عروسه ) عندهم فساتين خياااااااااال قمه في الفخامه تنفع اكثر شي حق ملكه وبرضو عندهم حاجات ناعمه وبرضو فساتين زفاف
واحلى شي كلها من برا ومستحيل تحصليها في اي مكان وشغل مصممين روحي وشوفي شغلهم وشوفي فساتينهم وان شاءالله تحصلي الي تبغيه انا تعاملت معاهم كان عندي مناسبه والله روعه في حق الفساتين قليله
وربي يسهل امورك
ماابي منك يالغلا الا دعوة بظهر الغيب ربي يسهل لي كل اموري ويوفقني
هذا رقمهم
0563058228
وهذا ايمييلهم بعد يستقبلو الطلبات على النت ويشحنوا كل مكان
A7LA_3ROSAH على الوندوزلايف

الله يوفقك