حييياكم ربي 

مبرووووك الف مبروك الله يسعدك

بالنسبه لي كل شي اسويه من فالليل لان بنتي الله يهديها تحوسني وكل شي مفرزنته الصلصه ومكعبات الليمون والزنجبيل والله يعينا ويعطينا الصحه والعافيه

ممكن تسويها في يوم ما اما كل يوم اكل دسم وبعده حلا ويه صعب
الطبخ للغدا اسوي الكبسه والمرق بنفس الوقت والسلطه بعد مأخليهم على النار اجلس واقطعها وبس الحلا مو شي ضروري واذا بغيت اسويها بوقت اكون رايقه وتكون بالعصر قبل المغرب بشوي والعشاء يكون خفيف سلطه او شىربه بسيطه او فواكه
بس في تجهيزات اسويها كل شهر وهي
الخضر ( البطاطس والكوسا والجزر ) ماأحب افرزنها بس (الباميا والفاصوليا والقرع) افرزنها فلما يجي وقت الطبخ يكون عندي بس البطاطس والكوسا والجزر اقطعها
البقوليات اسلقها وافرزنها بحيث لما اجي اسوي منها شوربات يكون طبخها على السريع
اجيب الدجاج مقطع ارباع الافخاذ اسويها كبسه والصدور شرائح او مكعبات اقطعها وكل كميه بكيس اسهل واسرع
بعض انواع الحلا تكونين مفرزنه مقاديره زي البسبوسه المواد الجافه بس ووقت الاستخدام بس تحطين السوائل
البسكوت متى ماكنتي فاضيه اطحني كمية وقسميها على حسب حاجتك
أنا اسوي خلطات الحلا المواد الجافه وافرزنها( بسكوت مطحون مع حليب بودره محموس وسكر - او بسكوت لوحده مطحون مع سكر - او سميد محموس مع جوز هند وبسكوت -او اي طريقه تحبينها وبوقت التجهيز بس اخلطي السوائل )
عندك حشوات الخضار الورقيه زي المطبق افرم البقدونس والكراث والبصل الاخضر واقسمها بأكياس وبالفريزر ووقت الاستخدام أظيف البيض والجبن
اي شي ممكن يساعدك على السرعه وتخليص الامور ضبطيه بوقت فراغك وارتاحي باقي الايام

عادي

الايدام لحاله والرز لحاله قصري عليهم وابدي بالسلاطة ومشالله تعتمد على السرعة