تطنشين أخواتك في الغربه تعالي قولي ليه؟!!

أنا أكثر شي يحزني أنه إذا اجتمعوا يجتمعوا على سوالف وسعة صدر بس
لكن لو تحتاج الوحده شي كل تهرب وغضوا البصر عن حاجة أختهم

إذا ما تكتفنا في الغربه متى نتكاتف؟؟؟!!!

أنا عن نفسي عجزت في اللي حولي
طبعيتي مو رايعة خرجات وروحات وجيات لكن هذا الشي مايمنع أني حابه أساعد جارتي ولا زمليتي في المعهد لو احتاجت شي
وحده من جاراتي عيالها مع عيالي بالمدرسة وهي توصل عيالها مشي وأيام الشتاء كان يضيق صدري عليها

لازم أكلمها أنا أقولها لا تطلعين بنمرك وكم مره أقولها إذا الجو شين كذا مطر وثلج أرسلي مسج ذكريني
أنا علاقتي فيها مو قويه لكن هذا شي مو معناته أنها ما تهمني

هذا مثال بسيط

الصراحه مدري كيف فاهمين معنى الأخوة

بعكس الرجال مشاء الله تلقينهم يفزعون لبعض حتى لو يعرفه بس بالأسم

الله يسعدك على الاضافه الحلوه.. اللي أشوفهم لا اجتماع على سوالف ولاغيرها
الله يصلح الأحوال

احس المشكله الاكبر هي الشلليه
اذا منتي من شلتي مااصاحبك ولا اساعدك
انا عن نفسي التزمت بيتي وانشغلت بدراستي وتربية ابنائي

لا حول ولا قوة الا بالله والله حال المسلمين صار مخزي من صدق سبحان الله صار المسلمين مو طايقين بعض يوم ما جيت امريكا كنت افتكر الواحد بس يشوف مسلم بيموت من الفرح بس كله العكس لا حول ولا قوة الا بالله

في بنات مايحبوا يختلطوا بسعوديين بسبب بعض المشاكل للي تجي من قبلهم وخصوصا الفتنه الله يجرنا .. وبنفس الوقت يقولوا لك انوو هم جايين يتعلمون ثقافه جديده ويبون يكتسبوون اللغه ماراح يقدرون الا باختلاطهم مع الاجانب ..
واناا معهم بهالنقطه لكن مو معهم اني مااشوف لي بنات من مجتمعي اجلس معهم ماتحمل اعيش كذا لحالي .. بالعكس احب اختلط بالسعوديات واكون صداقات معهن ونسوي لناا قروب كذا حركاتواكشن عوائل مرره حتى عيالنا ينبسطوا .. بس تبقى علاقتي فيهم رسميه مااحاول اتقرب منهم كثير .. يعني اوك اساعدهم واخدمهم باللي اقدر عليه من عيوني بس علاقتي تبقى رسميه ومن بعيد لبعيد .. لانو بالغربه تواجهي اشكال وانواع من البشر شي منافق بو وجهيين .. وشي نذل .. وشي استغلالي .. والخ ..
وكل هالانواع اناا تعاملت معهم وانقرصت منهم اول ماجيت امريكا بعدها قررت انوو صداقاتي بالغربه تكون رسميه ..