عاداتنا اه اول لافرق الله شملهم اما الحين الله يهديهم سواح واه ونص والمسيقى تضرب واهل العرس مبسوطين كانهم مالكين الدنيا واديها هز ونقز والبنته يسلااااااااااااام والعجايز عند الباب يدعن ومادين البوز ومعهم حق الله بالسماء الدنيا وحنه يالله المغفره والمشكله لارحت عند العجز جوا اهل الزواج يتفلسففففون لا تحطين بالك عالموسيقى وهي ليله ومن هالخرط اللي ماوراه الا النار عسى الله يعفوا عنا اجمعين ويتشرهون لا طلعتي واللي يقهر هالعجز برا والبنات ينقزن جوا وين البر وهذه من اسوا الاشياء الدخيله علينا اللي يسمعني يقول من سنين جدتي بس هذه شي مؤلم انه الوحده تنقطع عن الزواجات بسبب الموسيقى مع ان الدقاقات الله لايضرهن صيرين شي بديت اخربط ابي انام

احنا يبدا عندنا بالموال المعروف كل....لافرق الله شملهم :icon28:
ابتداء من الصباح حتى الساعه العاشره ليلا<<<< دوامين خخخخخخخخخ
يعني غداء وعشاء :10_8_9:
العصريه تلقين العجايز متسدحات<<<<< مايطوفهم المقيال
وممكن تلقين بينهم ام المعرس وام العروس مافي مشكله :huh:
والبنات يتزينن حق السهره الصبح ماتزينوا <<<<مكياج الصباح يعني لبناني
ويرجعون يرقصون الييييييييييييييين يتعبون :10_8_11:
والعجايز من يوم يصلون العشاء وهن نايمات :(
وادا جاء العشاء راحت كل وحده تقوم امها للعشاء في هدي الاثناء تنسحب ام العريس وبناتها وام العروس وبناتها الى المعاريس طبعا حابسينهم بغرفه ولابشقه :3_10_6: :icon35:

ومن الصبح يقومون ويقعدون يرقصون الى الظهر<<<<ماكوشغل
وسلامتكم
طبعا هدا قبل الحين تغير الوضع وصار اغلب الاعراس الامن رحم ربي فيها منكرات

الله لا تخسف فينا يا رب
مدري اذا فيه عايله مثل عايلتنا ولا حنا عايله نادره
المهم
حنا تقريبا مثلكم عموشه بس فيه بعض الاختلافات يمكن بسيطه شوي
الام والخوات هم الي ينقون عروس اخوهم بس على حسب طلبه
مثلا واحد من اخواني قال ابيها مثل امي كوبي نسخه مصغره بس بفارق التضاريس
والثاني قال ابيها دينه والثالث قال ابيها مثلي تماما
المهم وسبحان الله نقينا لهم حريمهم نقاوه
طبعا امي وخواتي الكبار المتزوجات يروحون يخطبونها من امها وعلى حسب الامهات فيه بعضهم تقول الراي راي ابوها واخوانها بمعنى خلو الرياجيل يجون يخطبون
وفيه تقول عطونا مهله اسبوع ونرد لكم خبر وبعد الاسبوع اذا موافقين يدقون يقولون خلو رياجيلكم يدقون على رياجيلنا وتتم الخطبه :icon28:
المهر اهل العروس يحددونه بس حريم اخواني كلهم نفس الشي والله اهلهم طلبو اقل من الي عطينا بس ابوي قال بناتي مثل حريم عيالي الي لبناتي لهم
طبعا فتره الخطبه ما تشوف عنه عينها ولا تسمع اذنه صوتها
<<<<<لا تقولون دين وشرع... العادات عادات والعيب عيب والحيا حيا فلا تكثرون هرج
وبعدين يجي العرس وخرابيطه الي ما تخلص<<<<<يا فرقنا العين
العرس كله من اوله لين اخره على اهل المعرس
وحات يا مهايط
لازم افخم فندق بالكويت واحلى طقاقه واغلى طبعا ولا راح نكون علج بحلوج الناس
والحلو والفطاير من ذيك المحلات الغريبه العجيبه وبعض المرات من حريم يسوونها بالبيت بس لازم يكون شي غريب والمشكله مو بس الحلو والفطاير لازم حتى صوانيهم تكون شي
الديكور مال الصواني لازم يكون على الموضه ومحطوط عليه ديكورات ومختفيه ملامح الصينيه كلها
والكوشه والبست والديكورات مالت الصاله لازم تكون متناسقه مع بعض والي مسويها المصمم الفلاني لزوم المجاكر ولازم يكون ولا في الخيال
بختصار لازم الي يدخل الصاله ويحضر العرس يكون قاعد يتحلم ولا على باله انه في الف ليله وليله
بطايق العرس لازم تكون الوانها نفس الوان القاعه الي مختارينها او تكون طريقه غريبه لها مثل كتيب حصن المسلم مغلف واول صفحه فيه بطاقه الدعوه علشان تكون ذكرى ومحد يقطها ونفس الطريقه مصحف او صندوق مبيت ومتعوب على ديكوراته من الاكسسوارات وداخله مثبته البطاقه علشان محد يقط البطايق ويحتفضون فيها
وتعالي لنا حنا يا خوات المعرس
لازم نسوي استقبال عند الباب وشوفي التفنتك فيه
من اللبس والاكسسوارات شي غريب عجيب
ونرتز عن الباب من نصلي العشا لان النعازيم يبدون يجون على العشا
وبعدين تطق الطقاقه على قولتج مبروك يا الفلان مبروك وعسى فرحكم تتمونه وكل الفلان خياله
اول غنيه ما ينرقص عليها لاننا نروح نبدل ملابسنا ونلبس ملابس العرس
والغنيه الثانيه نبدا نرقص
على ما تنملي الصاله لازم الطقاقه تطق غنيه عن الحلو والقهوه مثل
افرشوا ورد وفل وياسمين ....داخل الصاله وخارجها بها
عطروا بالعود كل الحاضرين...وصبوا القهوه على شرابها
وعلى الاغنيه هاذي نخلي العاملات يمرون بصواني الفطاير والحلو والقهوه بنص الملعب علشان يا ناس شوفو الكشخه<<<<مو قايله لكم مهايط
وبعدها يبدا السيرفس على الناس
ولازم تكون كل الدعثه الي قلتها لكم فوق جديده يعني محد سبقنا لها من اهلنا وجماعتنا ولازم يكون فيه طلعه نطلعها بالعرس محد مسويها قبلنا بالمره يعني تفنتك زايد شوي
ودخلت العروس خاصه اذا كانت العروس من طقتنا لازم تدخل على ذيك الدخله
يا قصيد يمدح فاهلها ولا اغاني على العروس ولا مدافع الورد والليزر
او تدخلها طقاقه ثانيه وتسوي لها دخله غريبه مثل الفراش والكنز والخرابيط هاذي
وبعدها يجي دخلت المعرس وهنيه شوفي البنات
طبعا المعرس يدخل ومعاها ربعه واخوانه وعيال جماعته
وشوفي البنات الي تتعدل وتتزكرت وتتكشخ لزوم التخزخز والترزز
وبعد ما يدخلون ويرقصون الفرينسي ويسون ذيك العرضه الي تطرب القلب جدام المعرس يسلمون عليه ويطسون
وبعدين يبدا الترزز لنا يا خواته نقوم نسلم عليه<<<<تقولين اول مره نشوفه
ونبارك له ونرقص جدامه تقولين مخابيل ونصور معاه وبعدين نزفه لي باب الصاله
هم طبعا يروحون غرفتهم بنفس الفندق وحنا نرد نكمل الرقص
ثاني يوم نخليه الصبح بس يكون خاص بس للاهل وحق معازيمنا من خارج الكويت<<<<طالعتلي فيها يبه قولي اهلنا بالسعوديه شفيها
والمعاريس يكونون يا طارو ولا راح يطيرون يروحون شهر العسل<<<اي شهر عسل اي بطيخ اسبوع ولا مستانسين فيه بعد
وبعد ما يردون نسوي استقبال حق العروس<<<<ما اقولكم مهايط
طبعا الاستقبال ما يفرق عن العرس الا ان العروس بذاك الوقت كانت بكر والحين مره
حتى الفستان الحين طايحين بالفساتين الملونه فما تفرق البست ابيض ولا ملون
وان العرس كانت طقاقه اما بالاستقبال صفاقه
والعرس بفندق ام الاستقبال بصاله
يعني العرس بعايلتنا كله مخاسير بمخاسير وعوار راس وقلب وتعب وهم
المشكله ان الناس تعودت علينا جذيه
انشهر عن عايلتنا ان العرس فخم من الى
فلو سوينا شي اقل من جذيه راح يقولون ايه بعد ما كبرو وتوظفو استبخلو

ادري طولت عليكم بس استحملوني
ومو يقولون عوار ضرس ولا هم عرس
ومن راقب الناس مات هما

السلام عليكم

موضوع رائع :27:
احنا عادتنا عادية جدا جدا قبل تسع سنيين على ايامي ماكان فيه شوفة ولا ملكة :icon33: اما الحين اتغير الوضع .وعندنا مانشرط شروط وكم المهر اللي يجيبه عادي يعني ما يقل عن 35 - 30 الف ريال .الاشرط تكمل الدراسة من زود الفلاحة :D
وماصار عندنا غدا في القصور .بس في البيت للضيوف اللي يجونا ,والله حوسة وتعب في القصر احسن وافضل .وافراحنا الغالبية مافيها موسيقى نادرا جدا . وماحد يحضر موسيقى .الالبية دق عادي او اسلامي

اشكر اختي ابغي انبس جعل ايا متس كلها انبساط
والله انهن صادقات يشين الموسيقى ماله داعي صدق


اشكركي اختي طوق الياسمين

والله انكي صادقه ان العجايز عندنا زيكم يحضرون من الصبح يفطرن في بيوتهم ثمن جن طايرات على الغداء تغدن ثمن اخذن لهن غطه يعني قيلن لين المغرب ثمن قامن ون الناس على روسهن بعدين تجي الطقاقه ويروحن اخر مكان في القصر ماحبن الصجه والجه

وشكر اختي لولو كاتي

كفيتي وفيتي مخليتي شي يعطيكي 1000000 عافيه بس صدق الله يعينكم على الخساير

اشكركي اختي زمن الهموم على المشاركه

مشاء الله عليكم عاداتكم تهبل ومافها كلافه بس علميني وين بيتكم نبي نجي نخطب