تجربتي في الحمل مؤلمه

انا متزوجه من 7 سنوات وماعندي الا واحد عمره 4سنوات ما بقولكن اني ما حملت حملت بس كله اجهاض بسرعه يصيرلي من مجرد ما عرف اني حامل يعني قبل حملي بولدي حملت 3 مرات اول حمل ثبت شهر ورحت اشتغل شغل البيت وشليت مكنسة الكهرب وكانت ثقيله فاجهضته على طول وخلاص من بعدها حملت مرتين وعلى طول ما يثبت يسات الصراحه وقلت لزوجي اذا تبغي اتعرس عرس لاني شكلي ما راح احمل والحمد الله تميت من اخر مره اجهضت فيها 7 شهور وعرفتي عمري حامل بولدي هذا بشهرين ولدته بسلامه وبعد ولادتي فيه بسنه وشهرين حملت مره ثانيه بس ما كنت اعرف انه النسكافيه مب زين للحمل واجهضت على طول وحملت مره ثانيه بعد 4 شهور ومادري شو صار لا اشتغلت ولا شليت ثقل ورغم هذا ما جوف الا سائل بني يطلع وملابسي الداخليه رايحه بدون ما حس بالم وتميت يومين واجهضت وكله يوم افحص اتقولي الدكتوره شهر او 3 اسابيع بس وتعلجت عند دكتوره في مركز العائله الطبي وحملت ورحت اسوي تلفزون قالتلي ما في شي وسوتلي تحليل دم وطلع فيه حمل بس طبعا طلعت حمل خارج الرحم ورحت لحرمه اتمسح قالتلي بيت الضنا مقلوب وجهة اليسار ما يوصله شي عشان احمل واذا حملت يطيح على طول بدون سبب وشبهت الرحم عندي بالكوب اذا قلبتيه وفيه ماي والله كريم نفسيتي تعبانه وما خليت حد مارحت له ما في فايده حمياتي وحريم حمياني معرسين بعدي والحمد الله كل وحده عندها 4 او خمسه وانا ما عارفه شو اسوي بعمري كل ما اعرف وحده حامل ادخل الغرفه واصيح من شوقي ليهم وخاطري احمل مره ثانيه ويثبت حملي واحس بحركة جنين مره ثانيه يا ترى بيكون ولا مالي نصيب مثل ما يقول زوجي والله تعبانه في نصهم يقولولي عين قويه يايتني ونصهم يقولو سحر والله يعلم وسامحوني طولت عليكم :06: