سنعات رمضان ربي يبلغنا اياه

السلام عليكم..
ياطويلات العمر انا قررت هالسنه يكون رمضان بسيط وصحي باذن الله ..
وزي ماتعرفون التجهيز قبل رمضان هو اللي يخليك تتحمسين تلتزمين وماتخبصين بالاكل والوزن والعيد والاجازه والزواجات بعد رمضان..
عشان كذا عملت جدول بسيط لرمضان ل10ايام ويتكرر بعدين يعني 10 انواع سلطات وتنعاد نفس السلطه 3 مرات بس طول رمضان..
لكن مشكلتي ابغى افرزن الاغراض او احفظها..فاللي جربت او تعرف اي معلومه اكيده تكتبها تكفون مابغى اغامر وتخرب النعمه حرام..ابغى طريقه مضمونه..يعني تجلس شهر كامل
تكفون يالسنعات علموني طريقه لحفظ الورقيات والخضار بشكل عام وبالاخص الاصناف اللي بكتبها
(الخس+الجرجير+السبانخ+البقدونس+الكزبره+الزهره+الملفوف+الملوخيه+االباميه+الجزر ابغاه مبشور فهل ابشره واحفظه مبشور ولا احفظه كامل ووقتها ابشره)
قريت انه مثلا الخس ينغسل اكثر من غسله ويتصفى بمصفى مده 10دقايق لين تروح منه المويه وينحفظ باكياس اللي تتقفل بس لو صح هالطريقه بعرف وين
بالفريز ولا بالثلاجه وبالكيس الواحد بس حق كميه يوم واحد ولا عادي كميه كبيره وناخذ منه ونرجع الباقي..
واللي عندها طريقه لتفريز الكوسه والباذنجان تكتب لاني قد جربتها ومره ماضبطت مع اني حفظتها بالفريز مايدخلها لاهوا ولا رطوبه بس طلعت وقت الطبخ كلها مويه كانها اسفنجه,,مدري كيف الوصف
والله يعطيكم الف عافيه ويبلغنا رمضان على خير ويبارك لنا بكل ساعه فيه..