مشكلتي .. غرفة نومي تلوع الكبد!! .. وش الحل ؟؟

بنات يمكن في البدايه تشوفون ان السالفه بايخه وماتستاهل بس بالنسبه لي تعني
الشيء الكثير

غرفة نومي قديمه وباب الخزانه مكسور وطايح والغرفه لونها قاتم :09:
وشكلها وععععع لاعت كبدي منها :angry2:

ماني قادره اتحملها ..ودي بغرفه جديده منظرها يشرح القلب وتفتح النفس ..لكن
من وين ياحسره ..
العين بصيره واليد قصيره .. الميزانيه ماتسمح :eek:

صدقوني الغرفه وصلت الى حاله مايفيد معاها اي تعديلات يعني لاتتصلح ولاتنصبغ

وحتى لو ادخلت بعض التعديلات بأشياء ثانيه بعد ماينفع ..


صدقوني لتجهزت لزوجي ولبست وجلست انتظره في الغرفه اتحلم اني انتظره بغرفه
حلوه مرتبه تصلح انها تكون مكان روماااااااااانسي يحسسنا انا احنا بعدنا عرسان

لكن اذا تلفتت بعيوني وشفت الغرفه تجيني حالة إحباط :mad: لأن منظرها يجيب
الغلقه ..

فكرت اني اسوي جمعيه عشان اقدر اشتري غرفه جديده ..لكن زوجي ماوافق

لأنه مايرتاح لفكرة الجمعيات ..

واحسه مهو مهتم بالموضوع مثلي ..

وفكرت اني ادخر المبلغ شوي شوي لحد ما يتجمع عندي مبلغ اقدر اشتري فيه غرفه
حلوه ..لكن المساله صعبه اقل حاجه يبغي لي ادخر 15 الف وهذي صعبه من وين
بتتجمع ..

أدري بتقولون لي الحل الوحيد انك تصبرين لين الله يفرجها ..
لكني صبرت عليها بما فيه الكفايه واحس اني وصلت لمرحله ماعدت اقدر اتحملها :angry2:

حتى اني قلت لزوجي ..اشرايك نرميهاوننام على مرتبه وتكون الغرفه فاضيه احلى :hahaha:

بس قال واغراضنا ؟؟ مايصير تكون مبعثره مالها مكان ..كيف يعني ترمينها؟؟!!


وش الحل ساعدوني ...محتاجه لكم