اسمي ساره ولكن ساره ال .......تابعوا قصتها هنا ....تقيييم يابنات

بسم الله..ه
مرحبا بكم, اسمي / سارة , من الرياض , ابي احكي لكم قصتي مع شاب ملتزم متدين, خاصة أن ربي هداني على يديه, ,,
انا عمري 34 سنة,, من عائلة ثرية جدا,, اي شي بدي فيه اقدر اوفره
,,,,سفريات,,ذنوب,,معاصي,, اغاني ,, افلام هابطة,, مكالمات ,, كنت غارقة بشهواتي , لااصلي ولااعرف ربي خاصة بعدما تطلقت من زوجي,, اقضي يومي كني بعيش للابد,,
كنت ساكنة مع امي واخوي الصغير لوحدنا وكنت كل يوم بسوق ومنتزه وضياع وقت,, كنت افرح لما اشوف شاب يلاحقني احس اني جميلة وماكنت اعرف ان ملك الموت ممكن يواجهني في اي لحظة ,, كانت امي تهاوشني ع ا لصلاة بس كنت اصفها بالتخلف واقول لها : كيفي حرة .. واذا قالت بتموتين يابنتي اصرخ ( يوووووووووه ) فكيني..
كنت احب ماما كثير هي عمرها 67 متدينة مرررة ,, كنت اشوفها اخر الليل تصلي وانا ع النت او ع الاغاني ولايؤثر هاالشي فيني ,,
كنت اعيش داخلي جحيم بس كنت اتهرب من مواجهة نفسي كثير ,,
مرت الايام ,, وفجاة تعبت الماما ورحنا للتخصصي قالوا ( ورم خبيث ) انصدمت ومادريت كيف اعلم امي,, رجعت لغرفة تنويمها مدري كيف امشي كنت اقول لنفسي : معقولة امي بتموت ؟؟؟كنت اكرر هاالسؤال واسئلة احس انها غبية ,, كنت اقول : القبر اللي دايم اشوف صورته امي بتسكن فيه ؟ بيلبسون امي الكفن الابيض وبياخذونها للابد ؟

دخلت ع امي لقيتها تكرر الحمد,, وقالت يابنتي لاتخافي الشفاء بيد ربك,,,والموت حق وكلنا بنموت بس المشكلة وش بعد الموت ؟
طلع الدكتور علمها ان معها سرطان ؟ انا ابكي وحسيت وقتها ببرائتي رغم اني طول عمري اعتبر نفسي من شياطين الانس ,,قلت لها : يمه انتي بتروحين للجنة ولا للنار ؟ ضمتني ع صدرها وقالت : لايابنيتي ربي بيرحمني وبنتظرك بالجنة,,كنت اناظر للاجهزة يوم قالت هاالجملة وهي تحسبني ابكي وانا داخلي يقول : احلمي بالجنة انتي ووجهك ,, ههههه نعوذ بالله من اليأس.
المهم : زاد تعب امي وقالت لي ممرضة ملتزمة انصحك تجيبي راقي يقرا ع أمك ,, فعلا بديت اتصالاتي وجاء اكثر من راقي وكلهم بفلوس بس ماهمتني الفلوس ,, وامي تعبها باقي,,
على فكرة ترى للحين مااصلي مع اني ادعي لامي واهتم بها بس كنت مشتاقة ارجع للبيت عشان الاغاني والنت والضياع ,,
كنت مرة بالسيب ابكي من تنهدات امي ومرت بي الممرضة الملتزمة ووقفت عندي وقالت : اقدر اساعدك بشيء ؟
شفت حجابها وهيبتها وقلت مشكورة بس ابكي من تعب امي قالت : انتي اقراي عليها !!
يوم قالت هاالكلمة تذكرت المصحف اللي امتلا غبار بدولابي...واصلا اظني ماعاد هو عندي من زمان ,,, وقلت ان شاء الله ,, رجعت البيت بجيب ملابس واغراض ورجعت اسمع اغاني بهاالساعتين اللي رجعت فيهم كني مدمنة من جد ,,,
بعد ايام بالمستشفى قالت لي الممرضة الملتزمة : خذي هذا رقم راقي متمكن شفى الله على يديه حالات سرطان,, قلت لها باستهزاء : وكم ياخذ طال عمره !! طبعا ماراح اعلم باسمه
مع انه يستحق اللي يشيد به , ,
قالت ماياخذ شي تطمني,, تعجبت ,, واخذت الرقم وكلمته مارد العصر,,وبالليل رد عليه وطلبته يجي للتخصصي قال : اصلا بكرة بكون في التخصصي لحالة أخرى وبجيكم ,, جاء وجلست قدامه من وراء السرير كالعادة ,, وقمت اناظر له مثل الباقين ,, صراحة وسيم وصغير ههههههه.. وبدا يقرا وهو مغمض عيونه وحسيت امي نامت وهديت ,, ويوم قام لحقته وقلت له وانا ابكي مدري شفيني تكفى ياشيخ تجي بكرة ؟ حسيته تلعثم وقال : لاتبكين بجي ان شاء الله ,, قلت الله يجزيك خير وتركته ,,
تبون الجد ؟ دخل قلبي وبدت نفسي تسول لي بس كنت ماسكة نفسي عشان امي وفعلا كنت انتظره عند مدخل الصراف الالي بس عشان اساله اسئلة وحنا نمشي كني ابي اتعلم وانا كذابة بس ابي اناظر له مع انه مايناظر لي,, قال مايحتاج تنتظرين هنا انا اعرف الغرفة وانا اجي ,, حسيت طاح وجهي هههههه ,, قرا ع امي وانا الله يتوب علي اناظر له ومو يم قراءته وتكلمت امي معه وقامت تدعي له وارتاحت له والله بشكل مو طبيعي لدرجة كان يقول لها ( يمه ) وهي تفرح لما يجي,, واذا تاخر تنتظره وتتصل عليه ويقول جايك يمه وعرفت من امي انه اصغر مني بسبع سنوات ,, والله ياناس حتى امي تعلقت فيه بس امي نيتها زينة مو شيطانة مثلي ,, استمر شهر ونصف يرقي امي يوميا بدون مقابل ,, وانا مااصلي للحين ,,
المهم اغواني الشيطان وقررت افتنه الله يتوب علي واعمتني شهوتي,, بديت ارسل له رسايل مزح ونكت بالواتس وهو مايرد عليه ,, كنت خايفة ازودها ماعاد يرقي امي,,ومرة ارسل لي كتب ( والله لولا امك ماتشوفين وجهي ) ,, عرفت نقطة ضعفه وعرفت اني مهما سويت ماراح ينقطع عن امي لانها تعلقت فيه وكانت تقول له شفائي على يديك ياوليدي لدرجة انه مرة بكى من كلامها,, جبت له هدية ثمينة ولما طلعنا اعطيته اياها ورفض وقال : ع اي اساس ؟ قلت انا اختك عادي امون عليك..ابتسم خجلان واسرع بالمشي وتركني,, يوم من الايام قررت امشي معه لسيارته وفعلا بديت امشي معه واساله وهو يرد ولا يناظروطلعنا من المستشفى وانا معه قال ؟ وش تبين ؟قلت بس ابي اتطمن انك توصل سيارتك ,, نزل راسه وبكى وانا خفت قلت وش فيك ؟ قال لاعاد تلحقيني ولا ابي احد يتطمن علي ومشى ,, استغربت منه ومشيت وراه من بعيد وشفت سيارته كانت عادية جدا ,, وبحكم خبثي قررت اغريه بالمال وكنت استخدم امي اداة ضغط عليه,, قلت لامي بنهدي له سيارة فخمة ووافقت امي وقالت يستاهل لكنه رفض وبكى وبكت امي معه وقالت ليه ياوليدي قال: بس ماابي شي ماابي احد يعطف علي,, وقام وطلع وانا استغرب انه دايم يبكي كثير بدون سبب واضح ,, المهم كلمت شيطانة مثلي من صاحباتي وقررنا نستدرجه لسيب من المستشفى واكشف له وجهي الله يتوب علي,, قلت له لما قرا ع امي فيه مريضة تبي رقية وكانت صاحبتي متفقة معي انها تاخذه لدور الرابع وفعلا يوم وصلنا سيب مافيه احد كشفت له وقلت له ماودك نتقهوى وزميلتي معي ؟ نزل راسه واستغفر وبكى وقال / مستعد اسوي اللي تبين بشرط ؟
قلت ايش هو : قال: تفكيني من عذاب الله يوم القيامة,, قالها وهو يبكي ثم قال تقدرين تحققين الشرط ؟ قلت وانا مصدومة : لا.. قال اجل اتقي الله قبل تندمين ومشى ..رجعت لغرفة امي بس باقي الشيطان يلعب براسي انا وصاحبتي,, ويوم وصلت الغرفة لقيت الممرضة الملتزمة عند الباب مبسوطة قلت شفيك ؟ قالت امك شفيت تماما من الورم حسب الاشعة ولايحتاج كيماوي ,, تبون الجد ؟ وقتها استحيت من ربي وقلت بنفسي توني ابي افتن عبد من عبيده وهو يكرمني بشفاء امي ؟
قلت الحمد لله قالت الممرضة اسجدي شكرا ياسارة ,, ارتبكت وقلت مااعرف,, استغربت قالت اسجدي واحمدي ربك وبس , قلت وين القبلة ؟ استغربت وقالت لك حوالي شهرين هنا ,, قلت والله انا مااصلي اذا جينا للجد ,, قالت هنا القبلة وسجدت بس والله ماتكلمت بشي بس كنت افكر بالحياء من ربي وقمت واتصلت بالشيخ وقلت له وبكى فرحة ورجع مسرع ودخل ع امي وبكى وبكينا كلنا وقال الحمد لله وجلسنا ساعة نبكي مدري وش نحس به كلنا ههههههههه,, المهم ودعته امي وهي تبكي وترجته كثير يزورها بالبيت وقالت لازم تزورني توعدني ,,ووعدها وراح,, قررت انا واخواتي المتزوجات واخواني نسوي حفلة للماما ونهدي شي للشيخ لانه مااخذ ولا ريال واخوي قال بهديه سيارة لان عنده معارض ووافقت امي وقالت لازم تعزمون الشيخ فلان قلت انا اكيد يمه ,, واستغربوا اخواتي من فرحتي بعزيمته ,, وصرفت الموضوع لان الشيطان باقي يلعب بي,, رتبنا حفلة فارهة لنا فقط وللشيخ وفعلا جاء للقصر بلباسه المعتاد وجلس جنب اخوي عبد العزيز وجنب امي وحلويات وسوالف وضحك واحنا يالحريم نسولف لوحدنا بس انا والله عيني معه واذني وكل مااوحدة من اخواتي قامت بتودي لهم شي قمزت انا وقلت انا اوديه وقالت اختي الكبيرة : سارة وش هاالبر اللي نزل عليك !! هههههههه
وبالاخير اجتمعنا و قال له اخوي احنا احترنا وش نهدي لك قال هو : انا عندي طلب واحد فقط سووه لي وكنكم مهدين لي كل شي ,, قلنا كلنا : وش طلبك آمر حتى امي معنا تقول وش ياولدي ؟
قال : ابيكم كلكم بدون استثناء تاخذون الوالدة تسوون عمرة وترجعون ,, تبون الجد ؟ حسيت انه يقصدني,, المهم كل اخواني واخواتي يقولون / ابشر ابشر,, وحجزنا لمكة يوم دخلت الحرم ساكتة مستحية من ربي,, يوم ناظرت للكعبة ارتبكت وقلت ابي اجلس قالوا قومي قلت لا روحوا وانا اكلمكم,, جلست وبكيت بزاوية خوف من ربي وجسمي كان مقشعر لدرجة مو طبيعية,, وعجزت اطوف من البكاء والانهيار صليت ركعتين وقلت / ياربي لو اتوب تغفر لي وتسامحني؟ علمني ياربي؟ ارجوك قلي ياربي هل انت تكرهني ؟ياربي انا حقيرة صح ؟ زعلتك كثير صح ؟....إلخ..
كنت ابكي بشدة واستغفر بس عجزت اناظر للسماء مستحية من ربي ويوم صلينا الفجر جتني راحة مو طبيعية,, وهداني ربي ,, الحين اقوم الليل وادعو لربي عبر النت,, وحفظت13 جزء في دار التحفيظ , والله اني في نعيم مايعلمه الا الله ,, رجعنا الرياض,, وزارنا الشيخ وجيت ابسلم عليه وامي واخوي عنده وشافني لابس قفازات وشفته نزل راسه ومدري وش قال بس مابكى هاالمرة,, المهم /
امي واخوي قرروا يزوجوني منه وفاتحه اخوي بالموضوع ويقول اخوي انه بكى لما فاتحه بالموضوع ,, مع ان اخوي قال لامهر ولا شي واحنا بنسكنك وبنوفر لك كل شي ,, اعتذر وقال انا مو من طبقتكم ولااناسب لكم ورفض يتزوجني مع اني انا واهلي تنازلنا عن كل شيء وطلعت قريبة له معي بدار التحفيظ ودايم اسالها عنه وشكت فيني هههههههه,, ولازلت مستمرة في ديني وصلاتي,,يارب يثبتني ويثبت الملتزمين ويهدي اللي مو ملتزمين كلهم يارب..دعواتكم
اختكم/سارونة,,شيطانة الانس سابقا ,,والداعية حاليا.