ام الزوج اللي تشيش ولدها على زوجته من تحت لتحت

موضوعي غريب شوي
ويمكن اول مره يمر عليكم
لكنه منكد على عيشتي

ايش الحل مع ام الزوج اللي كل سواليفها عن مشاكل الحريم
اللي زوجها معذبها واللي زوجها يضربها
واللي زوجها يمنعها من طلعه البيت
واللي زوجها مبهذلها كل يوم عزايم
ومع ذلك تصبر زوجته وتحبه وتدور رضاه

تخيلوا 90٪ من سواليفها كذا
مره تستشهد بوحده من اهلها ومره بالجيران وغيره
ووقت ما ازورها مع زوجي تدش لنا هالقصص
وحتى اذا زوجي زارها لحاله تعطيه هالقصص
ولما تصير بيني وبين زوجي مشكله شوفوا كيف
يبدا يقول لي: احمدي ربك وضعك احسن من غيرك
وروحي شوفي الحريم يبهذلها زوجها وتركض وراه!!
ويقول: انتم يا الحريم ماتمشون الا بالعين الحمرا
وكلام سخيف من شحن امه علي
طبعا هي تشتغل بصمت من تحت لتحت



امس زرناها وانا سويت العشاء واخذته معي
ضحك وسوالف وهي ماتترك عادتها
تكلمت بوحده زوجها مبهذلها وذالها
حتى شغالتها اخذها وراح عطاها امه (لاحظوا التلميح بس)
وزوجي زي الطالب النجيب اللي جالس يحفظ الدرس
المهم
يادوب طلعنا من عندها وركبنا السياره
فجأه مزاج زوجي تغير 180 درجه
وعصب علي على شي تااااافه وغلط علي بالكلام
زودها معي كثييييير وانتم يا الحريم وانتم يا الحريم
مارديت عليه وطنشته



طيب وبعدين