أحبك يازوجي
أحبك يازوجي
اتمنى لك التوفيق
(بدرالبدور)
(بدرالبدور)
حبيباتي اللي يقولون داخله مشروع ومو عامله حسابك

الا انا عامله حسابي وعندي خبره بتفتيح البشره واتفقت مع عاملات من البدايه وكنت حاطه عاملات احتياط بس شقول بعد مافتحت المشغل اكثرهم انسحبوا

واللحين الحمدلله عندي اللي يسد الحاجه

بس انا حبيت اسالكم من خبرتكم بتفتيح البشره لان فيه مشغال يفتحون البشره من جلسه وجلستين واخاف اضر بشره بعض الزباين

وانا طريقتي بالتنظيف والتفتيح تختلف عن عاملاتي لانو عاملاتي يضيفون الاكسجين والبلوندر لخلطاتهم بتركيز عالي مررررره
واحنا في مدينه مرررره صغيره وماعندهم ذيك الاهتمامات ومشاغل بلدتنا حوووووسه ماعندهم شي

لجل كذا جيت اطلب المساعده
وجزا الله خير اللي ساعدوني
صاحبة المليون
في اي مدينه انتى
أحاسيس المحبة
الله يكون بعونك ,,

انا اشوف اول شيء لازم تسوينه تغيرين المحاسبة وتجيبين واحدة لها خبرة
كل شيء ولا المحاسبة ,, تخيلي الزباين يجون ويدخلون وهي تخفض لهم
لازم تكون شخصيتها قوية ,, والافضل دفع الحساب قبل الشغل عشان بعض
الناس مايدفع الحساب بعد مايخلص ,, بس اهم شيء يكون عندها ذوق المحاسبة
يعني صارمة بس بأدب وذوق مو تطير الزباين ,,


بخصوص خلطات التفتيح وهالاشياء انصحك ماتسوينها للزباين اكتفي بالحمام المغربي
والتسريحات والميك اب والاشياء البسيطة بعد ماتكونين نفسك وتوقفين مشغلك
على رجليه وتثقفين عاملاتك وتدرسين الموضوع زين ابدي ابتكري اشياء جديدة
نصيحة بكرة لا يصير لوحدة من الزباين شيء ويخرب مشغلك ,,


ثاني شيء حقة الصبغى هذي وش يضمن لك انه صبغة راسها هي الي صبغتها ؟
الله يكون بعونك لازم تشوفي شغلها على واحدة راضيها تمسكها نفسها وانتبهي
لا تصبغ واحدة من زبوناتك لحد ماتتأكدي من شطارتها ومدى كفاءتها لا تفشلك
قدام زباينك وتحرق شعرهم ,,,



كوني صارمة مع العاملات ودقيقة بكل شيء لا تضحكين معهم وتعطينهم وجه
واشرفي عليهم وراقبيهم ,, ومكالمات الجوال برضه اشوف مشاغل كثير حريصة
على هالشيء تمنع العاملات من الكلام في اوقات العمل الا لضرورة قصوى وماتزيد
عن دقيقة ولا من عملها هالشيء وقولي لها بخصم ,, عندهم اوقات استراحة يدقون
فيها ويسوون الي يبون ,,


لازم يكون بينكم عقد وتاخذي اثباتاتهم لا يصير شيء بكرة لا قدر الله ولا مطالبةولا
سرقة ولا واحدة تهرب الا عندك اثبات عليها خذي صور للاثباتات ووقعيهم على شروطك
والي من ضمنها انك ماتطالبي براتبك اذا تركتي العمل قبل اعلامك بشهر عن رغبتها
بتركه ,, واقل من شهر ماتحاسبين احد


وعامليهم بالنسبة اذا كان مدخول المشغل قليل عشان يشدون حيلهم ويحاولون يرفعون نسبتهم
لكن لو مشغلك ماشي صح ساعتها ممكن تععاملينهم بالراتب اضمن ,,

ولما يوقف مشغلك على رجليه ويصير له سمعة وزباين وشيء بإمكانك اعطاءهم زيادة على الراتب
نسبة بس بحيث ماتبخسين مشغلك حقه ولا ينقص عليك شيء لأن هالشيء بيدفعهم للأمام


لو عاملتيهم من الحين بالراتب مع انه مدخول المشغل قليل صدقيني رح يخففون الشغل لأنهم
ضامنين الراتب سواء اشتغلوا او ما اشتغلوا عشان كذا احسن شيء تعامليهم بالنسبة مبدئيا


والله يوفقك عليك بالدعاء واجتناب معاصي الله سبحانه وتعالى ومراقبة عاملاتك فأنت مسئولة عنهم
سواء باللبس او الاغاني او تدخين لاقدر الله او نمص اوتكشف لعورات مغلظة والله يوفقك


نسيت اقولك ,, ادعي لي ربي يوفقني ويتمم حملي على خير
مسك وزعفران
مسك وزعفران
بشري وش صار معك..اختي.

الله يوفقك ..ان شاءالله..