السلام عليكم ورحمة الله وبركاته
طلعت لكم باختراع من صنع يديني بما ان عيالي مدمنين مصاصات "بيتي صار محل بكل شكل ولون خخخخخ"
وياكثر ماتجيني ازمات استنفار ضاعة المصاصه وياويلي على الحنه فكل البزران يطامرون يدورونها "موب حبن فيني لا علشان الحلاوه "
وكل ماشريت السلسله اماتنقطع من النص ولا المساكه تنكسر وانواع الحالات
فقررت قرار مصيري اسويها بنفسي وياليت سلمت وانا اسويها مرتن يصرق الشريطه ويفلها وثم ياخذ المصاصه وينحاش تراي سويتها بعد معانات من ذا الورع الله يهديه ويصلحه وياثره ان شاء الله
معليش طولت عليكم بالهذره نبدا الشغل العدل
هذي الادوات الي استعملتها :
هذي المصاصات
مسدس صمغ صورت الجهه النضيفه لاني مااستغنى عنه وتلصق فيه خيوط وبلاوي :22:
]وهذي الشرايط ومشابك ومقص
وهذي يقايا اكسسوارات وبكلات والعاب "اقتصاديه بقوه "
طريقة العمل :
اولا اقلب اللعبه من الخلف والصق المشبك وهو مفتوح علشان مايتصمغ في مكانه
]
والصق الشريطه وازنيها لا تكون طويله تلتف وتحوس ولا قصيره ماتريح مثلا "15 سم "
]
ثم الف الشريطه على المصاصه واصمغها بشكل مرتب
وهذي النتيجه للبنوتات
]
للأولاد الحلوين
وسلامتكم الي يعجبها موضوعي واستفادت ياليت تدعيلي وعيالي وابونا بالصحه والعافيه تراني تعبت في الشغل والتصوير مع المعارك الي تتخللها مع وليدي الله يهديه
واي سؤال من عيوني انا حاضره