صايمين وتبغون تفطرون.. او مفطرين وتبغون تتعشون رهيب وفي دقائق

بقولكم حاجة سريعة والأهم لذيذة جدا وغريبة
حتى ينفع تصلحينها وتأخذينها لاحد
وكلها دقائق وهي جاهزة
تأخذين فطير مشلتت ينباع في السوبرماركت جنب البف باستري والسبرينج رول
أحسن شئ اللي بالبصل

صلحيها مثل ماهو مكتوب عليها وهو انك تحمرينها من الجهتين على الصاج
الحار او طاوة البيض دقيقة وهي جاهزة
الحين هذه جاهزة وابدأي الشغل
1/ادهنيها بجبن كاسات ورشي فوقها زعتر يمممممم ولوكانت ساخنة جدا تطلع احلى وأحلي
2/ حطي عليها اغراض البيتزا ودخليها الفرن دقيقة بس تذوب الجبنة
3/ ادهنيها بمايونيز وخردل وحطي حبة برجر مقلية اومشوية اقطعي البرجر بالنصف وحطيها
وحطي فوقها جبن شرائح وسكري الفطيرة على شكل نصف دائرة
ودخليها الفرن دقيقة يذوب الجبن وتقدم ساخنة
4/الطريقة الأخيرة وهي الألذ تدهنيها بجبن سائل ومايونيز
وتحشينها اي حشوة دجاج علي طريقتك( بصل وصدور دجاج مشوحة على النار
وتحطين فوقها جبن شيدر مبشور
وتدخل الفرن
ليذوب الجبن
وتقدم ساخنة

ولا وحدة تجي مسوية فاهمة وتحطها في المايكرويف
ترى ماتحافظ على لذتها وقرمشتها

من الطريقة 1 و2
تطلعين ببيتزا تنافس أرقي المطاعم الإيطالية

ومن الطريقة 3 و4

تطلعين بساندويش ينافس الذ المأكولات الغربية


وبالهناء