بعد حرمان تسع سنوات رزقني الله بالحمل والفضل لله ثم للدكتور بندر العبدالكريم

الحمل والإنجاب

اولا استحلفكم بالله ان كل وحده تقرا الموضوع انها تدعي لاختي بثبات حملها فهي في امس الحاجه لدعاكم
اكتب قصتي هذه واسردها ويعلم الله اني مازدت ولا نقصت وماكتبت هالقصه الا عشان يستفيدو البنات ويستفيد غيري والهدف الاهم الصبر والتوكل على الله سبحانه وتعالى 
انا تزوجت وعمري 25 سنه وماكتب الله وحملت 
توقعت ان او سنه طبيعي ولا رحت دكاتره وتفائلت بالسنه الثانيه لاكن للاسف جت السنه الجايه وبدت ولا في شي مر شهرين وثلاث ونفس الشي لاحياه لمن تنادي 
بعدها رحت المستشفى وهنا كانت الصدمه 
زوجي عنه مشاكل بالسائل المنوي والنسبه معدومه صفرررررر وهذي اول صدمه 
الصدمه الثانيه انا عندي واحد من الانابيب تعبان 
وهذي صدمه ثانيه
الصدمه الثالثه عندي كسل بالغده 
انا هنا خلاص اعتزلت العالم ونفسيتي صارت زفت وطول اليوم بكا وصياح وحاله مايعلم فيها الا ربي 
الدكاتره ماخلو عندي امل ولا واحد بالميه 
كل مارحت لمستشفى قالولي نفس الكلام 
تخيلو يابنات والله والله والله اني سويت اطفال الانابيب تسعه مرات خمسه منها ببريطانيا عند الدكتور مايكل كيج وهذا معروف هناك لاكن مافي 
شي 
انا خلاص تعبت نفسيتي ورحت عيادات نفسيه 
ادري بتقولولي ليش تسوين بنفسك كذا 
ماقدرت اسيطر على نفسي 
كل ماشفت وحده حامل اجلس اصيح بحرقه واقول سبحان الله انا اركض ركض والله مارزقني بحمل 
كيف الناس هذي تحمل بدون مشقه وعناء 
المهم بعدها شفت برنامج عالتلفزيون الاطباء الاربعه مع الدكتور ( بندر العبدالكريم) وهو بالعسكري الرياض سبحان الله ارتحت لكلامه وحسيته فاهم مع انو كان يتكلم عن تحديد الجنس 
وقلت بروح له وجلست اسأل واسأل لين عرفت انه يشتغل بالحبيب العليا 
ورحت له سبحان الله الدكتور مريح ويعطيك جوك بالكلام والشرح 
قالي انتي اكيد عارفه الوضع لازم اطفال انابيب لان مستحيل يصير الحمل طبيعي 
قلتله انا سويتها تسع مرات ولا في فايده 
قال اتكلي على الله اولا 
ثانيا انا عايش نص عمري برا لدراسه هالشي 
التقنيه هنا وهناك واحده لاكن نجاح العمليه يعتمد على التوكل على الله اولا وثانيا مهاره الطبيب وثالثا المختبر الجيد واحنا مختبرنا ممتاز 
وقالي لازم تعرفين انو  مو شرط تنجح العمليه من اول شهر المسأله يبيلها صبر 
المهم توكلت على الله وبديت واخذت المنشطات ( الابر) وطلع عندي بويضات ماشالله ممتازه وحاهزه للتلقيح 
سحبوها ولقحوها ورجعولي اثنين 
المفاجئه بعد عشر ايام او اسبوعين سويت تحليل الحمل وطلعت حامل 
بنااااااااات ماتتخيلون ماصدقت :love:
بنفس اللحظه عدت التخليل بمركزين اخرين عشان اتأكد والنتيجه وحده حمل 
كلمت الدكتور وقلتله قال الف مبروك بكره تجين اسويلك اشعه 
سوا الاشعه والمفاجئه موجود عندي كيسين حمل يعني توم 
لاكن الصدمه كانت انو في كيس جوا الرحم وكيس برا الرحم ( بالانبوب) انقهرت وانصدمت وخفت 
قالي الدكتور لاتخافين الحمل الخارجي بنشيله بالمنظار والاول وضعه طبيعي 
بعد ثلاث ايام سوالي الدكتور العمليه وشالوه  
وبعدها بعشر ايام اخذت اشعه ثانيه عشان اتطمن على وضع الجنين 
تخيلو بنات اول مره اسمع دقات قلب جنيني اللي كادت تشق قلبي شق 
الحمدالله على كل حال 
ماتتخيلون فرحتي وسعادتي بحملي 
الفضل بعد الله للدكتور بندر الله يخليه ويطول بعمره ويفتها بوجهه وين ماراح 
حبيت اقولكم تجربتي مع الدكتور بندر لعل هناك من يحتاجها 
وبقولكم شي ثاني لاتسافرون ولا تجون سويتها تسع مرات خمسه منها ببريطانيا ومافاد 
التقنيه وحده وعندنا اطباء ماشالله قمه 
ويعلم الله ماقلت الموضوع دعايه لا والله ربي شاهد وانا محاسبه على كل كلمه بقولها ومسئوله عنها امام رب العالمين 
واذا ربي سهل بسوي العمليه الثانيه عنده 
والله يرزق كل محتاجه ويعوض صبرها مثل ماعوض صبري ملاحظه ( اكتب هذه القصه عن اختي الشقيقه) 
55
97K

يلزم عليك تسجيل الدخول أولًا لكتابة تعليق.

تسجيل دخول

*لمسة حنان*
*لمسة حنان*
ماشاءالله تبارك الله الله يسهل عليك ويرزقك بره
ان مع العسريسرا الحمدلله
ان الله رزقك بالحمل
الانثى الحنونه
الانثى الحنونه
يبدو انك من الفرحه أخطأتي

رزقك الله الحمل بفضل من الله ثم الدكتور

الله يتمم عليك حملك
الوان قوس قزح
الوان قوس قزح
الله يتمم حملك على خير
خـــوخـــة
خـــوخـــة
ما شاء الله تبارك الله
الله يتمم لك على خير و تفرحي بشوفته
ام كآدي
ام كآدي
الله يتمم فرحك وتشوفينه رجال