don

don @don

عضوة مميزة

ملف don المتجدد للآكلات المصرية (7) للمبتدآت والمحترفات

اطباق عالم حواء

بسم الله الرحمن الرحيم
فتحت الملف الجديد لانى لقيت انى لو نزلت على الصفحة كل يوم آكلة مش حيكون فية فرصة لاى واحدة عايزة تسأل اى سؤال برة الاكلة المكتوبة
وبرضة لانكم بتضيفوا اضافات حلوة وآكلات حلوة مجربة بتكونوا بارعين فيها وحديثنا ومعلوماتنا مع بعض فى الآكل بتكمل بعض
بس المشرفات ليهم طلب ان احنا نقلل الكلام الخارجى اللى هو الشات علشان الملفات ما يزيدش عددها على الفاضى
ولذلك زى ما اتفقنا حنزلكم هنا كل يوم أكله ونشوف لو فيه اى تعليقات عليها او اى اسئلة ونتقابل على صفحة الكلام فى ساعدونى للدردشة
1K
98K

هذا الموضوع مغلق.

don
don

طريقة المحشى الخفيييييف

كيلو بزنجان وفلفل رومى وكوسة
او كرنب او ورق عنب
2 كوب ارز
حزمة شبت
حزمة بقدونس
نص حزمة كسبرة خضراء
طماطم معصورة طازجة
طمطماية مخرطة صغير
ملح وفلفل
كمون فى محشى الكرنب
معلقة زيت زرة وممكن الاستغناء عنها
الطريقة
تقورى البزنجان والكوسة بالطريقة المعروفة
تشيلى الكاس الاخضر والبزور من الفلفل
او تسلقى الكرنب وتقطعى الورق
او تسلقى الورق العنب
تجهزى الحشو الارز على الشبت والبقدونس والكسيرة
المغسولة والمخرطة على متوسط
والملح والفلفل والطماطماية المخرطة وعصير
الطماطم ومعلقة الزيت تخلطى كله وتحشى بية المحشى
وترصصية فى الحلة وتسقية بالشوربة
الشوربة: بعد ما تسلقى الفراخ تشيلى الشوربة
فى الثلاجة لحد ما تتكون راقة جامدة على وش الشوربة
دى طبقة الدهن تروحى شيلاها بالمعلقة وترميها
وتستخدمى الشوربة فى عمل جميع الاكلات الخفيفة
اللى بدون دسم وبالهنا والشفا
ملحوظة : ممكن اضافة معلقتين او 3 لحمة مفرومة حمراء للحشوة
don
don

الملوخية الخفييييييفة

كيس ملوخية اونص كيلو ملوخية مخرطة
شوربة دجاج بدون دسم
نص راس ثوم صغيرة
ملح
معلقة كبيرة كزبرة ناشفة
الطريقة
نضع من كوب لكوبين شوربة على النار لحد ماتغلى
ثم نضع الملوخية فى الشوربة بالطريقة العادية
ونحضر مقلاية تيفال ونضع فيها الثوم المهروس
بدون اى دهون والكزبرة الناشفة ونقلبهم لحد ماتلاقى
ريحة الكزبرة طلعت تروحى جايبة كبشة من الملوخية
و حطاها على التقلية وتكبيهم تانى على الملوخية
وتفلبى تقليبة وتطفى
وبالهنا والشفا
don
don
التفاح فى الفرن
4 تفاحات كبيرة
2 ملعقة كبيرة سكر
3/4 كوب عصير تفاح
4 معالق كبيرة كريمة لبانى
الطريقة
نقور التفاح ونرصصة فى طبق فرن ونرش السكر
داخل التفاح المقور ونرشة بعصير التفاح
نضعة فى فرن متوسط الحرارة حوالى نص ساعة لحد ما التفاح يبقى لين خالص
بعد مايطلع نضع على كل تفاحة معلقة كريمة لبانى
وبالهنا والشفا
أم العلاء
أم العلاء
يا الغالية don

و
don
don
ما شاءالله عليكى يا ام العلاء دايما سباقة فى الخير وفى المجاملات الحلوة والله مش عارفة اقولك غير ربنا يديم المحبة بينا يارب ..