عضوه جديده معاها شي رهيب زوجكي بيتخبل ....... عليه ( سمك مشوي )

السلام عليكم حبابي اول مره اتشوفون اسمى انا روز صديقه جديده وباصير قديمه
المهم تبين زوجكي يمدحك اليوم سوي له هذي الطريقه سمك مشوي رهيب

المقادير: سمك من نوع شعري او هامور او اي نوع يصلح للمشوي
3 حبات بصل مقطع الى شرائح طويله 2 او 4 حبات فص ثوم مهروس ، بقدونس مقطع قطع صغيره ، ملح ، ليمون ، بهارات مثل : كمون ، بزار ، فلفل اسود ....... بس رشه من كل نوع ، بطاط مقطع الى دوائر. وزيت الزيتون. لتزين السمك : جزره مقطعه قطع اعمده ، وخيار على شكل دوائر طويله ، ليمون مقطعه على شكل شرائح تقسم الى نصفين ...

الطريقه

يغسل السمك جيدا وينضف السمك من الداخل ثم نشرح السمك على جوانبها الى شرحتين او ثلاث او حسب طول السمكه من الجنبين ثم ننثر الملح على السمك ونأخذ الثوم والبصل والليمون و البقدونس نخلطهم جيدا . بعد ما قطعنا السمك نحشي مكان المشروح من جسم السمك حتى من الداخل في هذى الخلطه من البصل ولثوم والبقدونس والليمون وبعدين رشي على السمك من جنبين البهارات المذكورهواخر شي ادهني السمك بالزيت الزيتون . ثم حضري صينيه الشوي وادهنيها بالزت الزيتون المتبقي ثم ضعي البطاط المقطع الى دوائر وصفيها باالصينيه واخر شي ضعي السمك على البطاط وغطيهما بالقصدير وادخليهما في الفرن لمده ان تشوفي ان السمك نضج او انشوى .

قبل التقديم حضري صحن او صينيه على حسب عدد السمك او حجمها وجمليها بالخيار والجزر والليمون المقطع وقدميها وبالعافيه عليكم تصلح هذي الطريقه ايظا للضيوف الى يعشقون السمك. وردو على وش رايكم تراني سويتها والكل مدح فيها .