العصيدة

الغاليه ام اسومه بالنسبه لطريقة العصيده اليمنيه انا رأيت واحده يمنيه تسويها وهي انك تضعين ماء في قدر على النار وشوي ملح ثم تأخذين دقيق ابيض خاص بالعصيده من عند الطاحون وملعقه كبيره اشبه ماتكون بالعصا وتضعين الدقيق شوي شوي في القدر مع التحريك بالملعقه مباشره الى ان تشعري ان العجينه اصبحت متماسكه وتحركيها بالملعقه على النار ثم تنزليها الى الارض بين رجليك وتحركيها بالملعقه وهكذا عدة مرات الى ان تشعري ان العجينه متماسكه ثم قلبيها في الصحن المعد وتدهنيه قبل بزيت السمسم وتعجينه الى ان يستوي شكلها وتجعليها في وسط الصحن وتضعي في اطرافه اما مرق او لبن وبالهناء والعافيه ارجوان اكون استطعت تفهيمك:20: :27:

شكله صعب وايد بس زوجي قال لي بأنه يكون باللحم أو دجاج بس ألف شكر لج وما قصرتي وبسأل زوجي هل هو طلبه أم لا

عزيزتي
العصيدة من اسهل الاكلات الي تسويها الوحدة
وترى احنا نسويها دائما مثل ما نسوي الرز
وما تحتاج اي شغل عادية زي ما تسوين الباشميل يعني في السهولة مو الطريقة
المقادير
طحين اسمر او طحين ذرة من عند الطاحونة
ماء تقريبا لك انتي وزوجك كوب او كوب ونصف
ملح حسب الحاجة
ملعقة خشب للتحريك
الطريقة
حطي الماء والملح على النار حتى يغلي واذا ودك حطي مع الماء شوي زيت عافية علشان تزبط اكثر
وبعدين حطي الطحين ولا تحركين كثير حطي تقريبا نصف كوب الين تصير تغلي الموية من بين الطحين خليها دقيقتين وبعدين ابداي حركي واذا احتاج طحين زيدي الين تصير مثل الكورة بس ما تكون قاسية واذا كانت قاسية حطي مرق او ماء حار
وخلاص هذي كل الطريقة
ملاحظة
يمكن تتكرد معاك لاسباب منها
حركتيها اول ما حطيتي الطحين او كان الطحين اكثر من الموية او ما غلت كثير مع الطحين
وانشاء الله تعجبك على فكرة انا كتبت تقريبا تقريبا لان مو متعودة اسويها بمقادير
وثانيا هي توكل مع مرق اللحم وبالعافية

أختي ريما الدلوعة جزاك الله ألف خير وشكرا على الإهتمام بس ممكن أعرف شو بتكون النتيجة قصدي شو بتكون شكل العصيدة النهائية هل مثل الخبز أم مثل الخبصة أم ماذا والملح هل نضع القليل أم يحتاج كمية ليعطي طعم للعجين........

مرحبا ام اسومه


احنا نسوي العصيده بالتمر ونسميها عصيده اما اللي باللحم فهذه اسمها هريسه تكون باللحم والحب بس طريقتها للاسف مااعرف احنا نجيبها جاهزه من بره هي والعصيده بس العصيده تراها متعبه اللي بالتمر وانا باحاول اسال احد من عماتي او قريباتي كيف يسونها لاننا اهل العصيد والهريس ومع السلامه ياقمر