لجين الحرير @lgyn_alhryr
محررة
وش تقولي لوحده زوجها يضربها ...قدام الناس!!!! حسبنا الله ونعم الوكيل
ابدا موضوعي ب"حسبي الله" ع كل رجال يستضعف مرته ويضربها
وما يستعرض قوته غير ع حرمته المسكينة الي تحرق عمرها لاجله ولاجل عياله
لكن بنفس الوقت استغرب من حريم يسكتون عن حقهم وتخلي روحها ضعيفة قدامه
ترا اذا دافعتي عن نفسك وكرامتك هذا الشي ما يعني ابدا انك بتدمرين زواجك وبيتك
بالعكس زوجك يحسبلك الف حساب ويحترمك ويفكر مليون مره قبل لا يمد ايده عليك
صراحة يا الغوالي اكتب هذا الموضوع من حرتي ع حرمه في الحي عندنا
زوجها يضربها ونسمع الصراخ من بيتهم لكن انه توصل فيه يضربها قدام الناس
خصوصا بعد ما قريت الموضوع الي شاركت فيه وحده من الاعضاء
http://forum.hawaaworld.com/showthread.php?t=3932673
هذي خلتني احتر واقول لاي وحده زوجها يمد يده عليها انها ما تسكت لانه بتمادى اكثر ويستهين فيها
والله منظرها قطع قلبي يوم شفت عيالها يبكون من حولها
مهما كان السبب الي يخلي الزوج يعصب ما يعطيه اي حق انه يضربها مثل هذا الضرب ويهين كرامتها قدام الناس
حتى اسلامنا ونبينا عليه الصلاة والسلام يوم قال "اضربوهن" لكنه وصى ان الضرب يكون غير مبرح وما يهين الكرامه
حتى عليه الصلاة والسلام نهى عن الضرب ع الوجه لانه يهين الكرامه فما بالك بالضرب المبرح وقدام الناس
اختي..نصيحة مني لكن جميعا
حافظي ع كرامتك وصونيها وفكري بافعالك قبل لا تسوينها حتى ما تعرضي نفسك لموقف تخلي زوجك يعصب بالدرجة الاولى
ولو صار اي خلاف ما يهون عليه ابدا انه يمد يده عليك
30
6K
يلزم عليك تسجيل الدخول أولًا لكتابة تعليق.
قمله هانم
•
الله يصلح الحال يارب
الصفحة الأخيرة