هل تبخري حمامك بس ابغا جواب نعم او لا^_^

السلام عليكم

انا متعودة يوميا قبل لا ابداء انظف الحمام احط الفحم على النار واول ما امسح الموية من البلاط اجيب المبخرة واحط البخور على بال ما انشف الارضية بالمنشفة
واتفاجأت انه هنا في ناس يقولو خطير تبخير الحمام وانه بسم الله مو كويس
بس مستغربة الريحة الحلوة بالعكس احسها تبعد الأذى عن البيت مو تجيبه يعني لازم نتأكد
كل وحدة تبخر حمامها تقول ياريت هل قد سار شي حسو ضرر
ومين قد سمعت الكلام دا واش الدليل لو كان موجود التجربة خير برهان لانه انا خوافة مرة :(

انا اصلا عندي عقدة من الحمامات ودايما تجيني كوابيس انه انا محبوسة في حمام مبلل ومو نضيف واقوم من النوم عندي اكتئاب طول النهار عشان كذا اخلي حمامي يلمع وابخره واعطره وعمري ما حسيت شي الحمدلله بالعكس مرة رحت عند ناس واضطريت استعمل الحمام ومن كثر البلل في الارض والكراسي والمغسلة والريحة والذبابين بغيت اتجنن :angry2:وحسيت انه الحمام يخوف شكله ومرعب وجاني كابوس انه انا انحبست فيه ورب البيت ما امزح يعني لو انه نضيف ومبخر كان مليون مرة احسن

دحين ابغاكم تشاركوني بالجواب عن دي الاسئلة
1= هل تبخري الحمام؟

2=اذا ما تبخريه ايش السبب وايش الدليل على انه مضر؟؟

3=لو فعلا مضر هل في حكاية تثبت الضرر؟؟

4=اللي تبخر الحمام تحسي انه بيتك فيه شي بسبب التبخير؟؟

اعذروني على الاسئلة العبيطة بس لازم تقنعوني عشان ابطل اعطر حمامي:22: