ليش كذا يابنات حوااء ليش !!

السلام عليكم ورحمة الله وبركاته

اخواتي في الله كيفكم؟؟

بصرااحه مادري من فين ابدأ ومن فين انتهي ويمكن كلامي يكون ملخبط ومو مرتب

بس لاحظت في الفتره الأخيره ان كل موضوع لازم اخره ينقلب هوااش ويتقفل ليش؟؟
ليش كل وحده صارت ترد برد يجرح ومافيه اي احترام او ذوق ؟؟ هل هذا الشي يدل على تربيتها واخلاقها ولا على المجتمع اللي عايشه فيه كذا يكون نظامهم واسلوبهم في الكلام !!

ليش كل وحده جايه وتحط حرتها وقهرها في ردها
اللي ترد وتقول لصحبة الموضوع وانتي وش دخلك وايش حارق دمك ولا موضوع تاني البنت تقول انو جسمها صغير وشكلها كتكوته تيجي وحده وتقولها ورا ماتروحين تبلعين ثلاجة بيتكم احسن باللهي هذا رد؟؟

وهذي عضوة ربي يهديها ردت على موضوع وحده متزوجه ليها كم شهر ولسه ماتأقلمت ع الوضع الجديد وكل شويه تفتكر اهلها لأنهم بمنطقه تانيه شوفو كيف كان رد العضوة ربي يصلحها




هل كذا كانت اخلاق نبينا وحبيبنا رسول الله .؟؟ هذا مثال بسيط بس وماخفي كان اعظم كل بنات المنتدى فيهم الخير والبركة بس في فئه الله يصلحهم ويهديهم
ليه مو كل وحده لما تكتب رد تتخيل انو بجيها نفس الكلام اللي بتكتبه وهل بترضاه على نفسها؟؟ ليش ماتكون قلوبنا على بعض ونحاول نخفف على بعض بالكلمة الحلوة ..

الدين المعامله وحب لأخيك ماتحبه لنفسك

ياليت يكون عندنا ذوق في الرد والله الوحده صارت تحسب الف حساب قبل لاتكتب موضوع وتشيل هم الردود

واخيراا اقول

عامل الناس كما تحب ان يعاملوك